المصابيب النجدية

[المتأملة]

Purple"]السلام عليكم ورحمة الله وبركاته.............
في البداية ودي أقول لكم إن هذي هي المرة الأولى الي أنزل فيها طبخة مصورة نبي ندخل في جو المنافسة شوي #_!وطلعت التجربة الأولى من حظ المصابيب وهي من الأكلات النجدية المشهورة واللذيذة ويمكن سموها مصابيب لأنها تصب بالملعقة هههههه وفيه ناس يسمونها صبيب ومفرد مصابيب مصبوب.

البارحة طرأ على بالي إني أسوي مصابيب فسويتها وصورتها لكم ،واسمحوا لي على التصوير لأن الإضاءة كل مرة تطلع لي الصورة بشكل غير .

بالنسبة للمصابيب تراها مررررة سهلة وخفيفة ولذيذة أما المقدار بالضبط فدورت لكم في النت طريقة المصابيب لقيت أن الأكثرية يسوونها بخلط كاس طحين بر مع كاس ونصف ماء وقليل من الملح وملعقة ونص حليب بودرة وملعقة أو ثنتين زيت.
والبعض يحب يضيف بعض الإضافات على الخلطة نفسها فالبعض يزيد شوي كركم أو شوي بصل أو يضيف للمقدار بيضة أو باكينغ بودر ووووو والبعض يحط نص الكمية طحين بر ونصها طحين أبيض ومن وجهة نظري تكون بالطحين البر لحاله أفضل ،وكل شخص وطريقته.

بالنسبة لنا نسويها بالطحين البر الي من مزارع نجد خاصة أشيقر والقصيم ويطلع زين في الأكلات الشعبية مثل المطازيز والمرقوق والمراصيع ووووووأتوقع تحصلونه في المحلات الي تبيع المنتجات الشعبية النجدية ،وممكن تجربونه بطحين البرالي بالبقالات بس أنا ماقد جربته أحس بالطحين الي قلت لكم عنه ألذ .
وغالبا طريقتنا في المصابيب إننا نخلط طحين بر مع مويه وشويه ملح بس أمس جربت الطريقة الي قلت لكم عنها في النت الي هي طحين بر +مويه +ملح +حليب بودرة +زيت وطلعت لذيذة وحلوة وتبيض الوجه إن شاء الله .
[SIZE="6"]
نبدأ بسم الله



قبل مانسوي خلطة المصابيب نحط المقرصة كذا نسميها بلهجتنا الأشيقرية (التاوة )على نار متوسطة عشان تحمى زين الله يعيننا على تعليقات أم شيخة"*:

http://www.moq3.com/img/17012008/BLm81404.jpg

بعدها نسوي العجينة وتكون سائلة تقريبا مثل عجينة البانكيك وتخلط بالخلاط اليدوي العادي عشان ماتتكتل العجينة لأنها إن صارت خفيفة مرة بتطلع يابسة وبتحترق بسرعة وإن صارت ثقيلة كثير ماراح تطلع زينة .
هذي العجينة بعد ماجهزناها :

http://www.moq3.com/img/17012008/Km187759.jpg]

وبعدها نمسح المقرصة بالزيت كل مرة قبل مانصب المصابيب عشان ماتلزق وتنشب
العجينة فيه وتخرب المصابيب ويطلع شكلها كذا!_!$هههه.
هذه التاوة ساخنة


http://www.moq3.com/img/17012008/lXS81428.jpg

ويكون جنبنا صحن زيت نمسح فيه التاوه كل مرة نصب فيها مصابيب :

http://www.moq3.com/img/17012008/Q1r81467.jpg


نصبها وحدة وحدة وتكون على نار متوسطة تقريبا أو أقل شوي :

http://www.moq3.com/img/17012008/7R381473.jpg

هذي هي المصابيب على النار تستوي شوي شوي:

http://www.moq3.com/img/17012008/Uv085701.jpg

http://www.moq3.com/img/17012008/b1p85701.jpg





لما تتحمر من الأسفل نقلبها على الوجه الثاني :

http://www.moq3.com/img/17012008/hCr85746.jpg

هذي المقرصة فيها مصابيب قلبته على الوجه الثاني وشي مابعد تحمر عادي أنا أسويها وإذا استوى جزء أشيله وأحط بداله ماأنتظر لما بيستوي الي على المقرصة كله :

http://www.moq3.com/img/17012008/mxF85757.jpg

[المتأملة]

نجمع المصابيب في قدر أو حافظة وبعد مانخلص نحط عليها شوي زيت ونقلبه عشان تتشربه ثم نصفها بالصحن أو ممكن نحطها بحافظة عشان تظل دافية.

وهذا هو شكلها النهائي:

http://www.moq3.com/img/17012008/sPQ86146.jpg

http://www.moq3.com/img/17012008/naA86780.jpg



وبعض الأشخاص بعد ماتستوي المصابيب يحبون يحطون فوقها بصل مقطع صغار وعليه شوي بهار أو بزار وكل واحد وطريقته، وبالنسبة لي ماأحب عليها بصل عشان كذا ماسويته.


والبعض يحب يحط عسل وزبدة أو ياكله بدون زيت والبعض يحب ياكله وهو حار توه طالع من المقرصة مباشرة خاصة لما يكون بالبر ومع جلسة الأصدقاء وناسة مع إني ماقد جربتها أبدا بالبرويكون اممممممممم ،وياحلوها مع الفطور ويا بيالة الشاهي .

إن شاء الله أعجبتكم المصابيب وبالعافية على قلوبكم ونشوف يله من بيسنعها فيكم وتضبط معاه !_!%،ونشوفكم في طبخات ثانية إن شاء الله ولا تنسونا من دعواتكم.

[نبض القلم]

يعطيك العافية أختي الكريمة المتألقة على هذه الطبخة المتألقة..فعلا المصابيب وجبه رائعه خاصة مع البصل ..وعلى العشاء في الأيام الباردة .. شكرا جزيلا على هذا الإبداع المصور .

[الباخص]

واحتد التنافس
فلتعيش المصابيب النجدية

http://limited2700.googlepages.com/MSABEB.jpg

http://hawahome.com.googlepages.com/t4.jpg
المصابيب اللي فوق مسوينها في البر ..

http://www.3rbe.com/vb/upload/2007/2/2612_1175122326.jpg


http://www.dlooah.com/vb/uploaded/6257_1184515277.jpg

يازينها مثل ماقال أديب الدار مع الحليب والبصل اممممممممم

http://www.geocities.com/janan_154/mr11.jpg


اوه اوه يالمصابيب

مااجمل المنافسة .. والاجمل لما يكون الواحد في لجنة تحكيم للذواقه هههه#_!#$
شكراً يانجدية ( متأملة )
وينكم ياهل الامارات تذوقون المصابيب

اخوكم ابوعبدالرحمن

[ملك الزاجل]

تسلمين أختي المتأملة على هذا التميز
وأسمحي لي أقول هذه المصابيب العالمية
أشكرك
وأقول بارك الله فيكم وبجهدكم
وفعلاً أنا جعت من شوفتها
أسأل الله لكم التوفيق
أخوكم

[المتأملة]

حياك أخوي أبو سعد والله يعافيك ،وبالنسبة للمصابيب غالبا نفضلها على الفطور أكثر شي وأمس افطرنا منها شوي والباقي خليناه للغداء وخلينا غدانا الي احنا مسوينه هههه.


والظاهر شكل أخونا أبو عبدالرحمن جوعاااااان وهو ينزل الصور وجمع لنا من كل بحر قطرة قصدي من كل طبخة نجدية صورة لأن كل صورة عليها توقيع غير وهذا دليل إنه وضعها على عجل ههههه مدري حسب معلوماتي البسيطة راح أعلق على الصور وماأدري يمكن فيه خطأ عندي فاعذرني من فضلك أخوي أبو عبدالرحمن.

الصورة هذه كنها صورة بانكيك ماكأن فيها طحين بر صح أو إنها طحين مخلوط يمكن:

http://hawahome.com.googlepages.com/t4.jpg


وهذه ماهي صورة مصابيب#% مايوضع معاها خضار هذي مرقوق أو مطازيز:

http://www.3rbe.com/vb/upload/2007/2/2612_1175122326.jpg


هذه صح صورة مصابيب وشكلها مغري ولذيذ:
http://www.dlooah.com/vb/uploaded/6257_1184515277.jpg


أما هذه الي مع الحليب والبصل فاسمها مراصيع وبنزلها لكم خلال الأيام الجاية لأني على حسب علمي المصابيب ماقد كلناها مغموسة بالحليب #% مدري إن كانكم ياأهل شقراء تاكلونها مع الحليب ؟

http://www.geocities.com/janan_154/mr11.jpg

واسمح لي أخوي أبو عبدالرحمن على التصحيح مرة أخرى وشكرا للتعليق الطريف ،وإن شاء الله تصببون هالمصابيب في وحدة من كشتاتكم وحطوا لنا عاد صورتها .

والله يسلمك أخوي ملك الزاجل أي مصابيب عالمية أظن المصابيب العالمية هي البانكيك #_!الي بالنسبة لي ماأحبها كثير المصابيب ألذ وأفيد منها بكثير وياليت كل العالم يعرف مصابيبنا ،ومشكور على دعواتك الطيبة وإن شاء الله تذوق المصابيب قريب الي علينا اننا حطينا طريقتها والباقي تسوونها وتضبطونها وبالعافية عليكم.

[راعي الشاص]

طحت ولاسمت امي علي
مصابيب وتراني توني قايم
مابعد افطرت
لا وقريت ان باخص من شقراء
ايه حليلكم اهل الوشم
تراني منيب بعيد عنكم يعني بس 200 كم
ابي مصابيب طيب شسوي $#$#$#


شاصي قوي

[المتأملة]

توك قايم الساعة 11 ياراعي الشاص والناس باقي لها شوي وتتغدى ماتنلام تلقاك دايخ من دوارنك بهالشاص في البران!_!% وش تسوي في هالحالة الي تسويه الله يسلمك إنك تجهز طحين بر والتاوة وتبدأ تسوي مصابيب لك وللوالدة ومنها تكون فطور وغداء في نفس الوقت شرايك ؟

[الساير]

تسلمين اختي عز الله اني تغديت مع هالصور #$#$#$

اخوك الساير

[طير الامارات]

يا مرحبا بالمتأملة


اول مشاركة


وألذ مشاركة ( ابداع مع الشرح الميسر )


!*&!&!#


بالفعل اختي قيمتها في طحين البر خصوصا اللي يتبعون حميه مثلي

ومصابيبنا بالشكل مثل مصابيبكم بس تراها بانكيك ونسميه نحن ( الجباب أو خبز اللقيمات )




اختكم طير الامارات

[ام شيخه]

اخيرا اختي المتأملة ...


سويتي وصورتي مصابيبكم...


يعني هذي هي المصابيب ؟؟


انا على بالي شرات خبز الجباب (بانكيك) ... تاكلونها مع العسل او الجبن ... ( انا احبها مكس جبن وعسل )

بس غريبة مع البصل؟؟؟؟؟؟؟؟؟؟؟؟؟؟؟؟؟؟؟؟؟

واهل قشرا .. قصدي شقرا ... ياكلونها مع الحليب؟!! حشا كأنه سريلاك مب مصابيب بتستوي مهابيب هههههههه"*


الخدامة عندي تشوف الصور ... تقول يوم كنت بالقصيم .. كنت اسويها ...تقول ويحطون بصل بعد عليها .... (( وين تركب حليب وبصل))!!!!! :#:#

بس تقول يسوونها ساعات يابسة حق اليهال وياكلونها مثل الشيبس ...هههه برينجلز... مب مصابيب هههههههه"_!


وبو عبدالرحمن


شو هذا اللي بالخضار؟؟ ثريد بالمصابيب؟؟


شكلك صج يوعان .....#$





الغالية المتأملة

السموحة عاد عالتعليقات....

امزح تراني


تسلم ايدج ويعطيج العافية


&&&$


بس ابا اعرف شو المطازيز والمراصيع

سويلنا وصوري بليز$%


واذا سويت المصابيب هالويكند وضبطت معايه ببشرج ...#$

[زياد2010]

يا ويلكم من تعليق أم شيخة

شقراء صارت قشراء

هذي البداية

المصابيب أختي أم عبدالله حنا نسميها أيضا المصالي

مدري سمعتوا فيها أو لا

وهي من أفيد وألذ الوجبات الصحية

وعلى فكرة شريتي كي بورد جديد أم عبدالله

راح تقولين ليه ؟؟

أقول لأنك مليتي الكي بورد اللي عندك عجين وزيت

ههههههههههههههههه

تسلمين طبخة رائعة رائعة

الله يخلي لنا شيباننا يأكلونها يوميا الصباح وأحيانا بالليل

تقبلي التحايا

[المتأملة]

الله يسلمك أخوي الساير وعليك بالعافية يله وفرنا عليكم تصليح غداكم اليوم دام غدتك صور المصابيب !_!%

وياهلا فيك أختي طير الإمارات وتسلمين على كلامك وكلك ذوق وماعليك زود ماشاء الله تبارك الله وكل طبخة تنزلينها تقول الزود عندي سواء كانت طبخة مالحة أو حلوة $*
فعلا الطحين البرمفيد وصحي ويوصف لأصحاب الحمية لأنه يحتوي على فيتامينات وألياف ويعطي شعور سريع بالشبع .
ومصابيبنا بالشكل مثل مصابيبكم بس تراها بانكيك ونسميه نحن ( الجباب أو خبز اللقيمات (>
نحن في انتظار صور مصابيبكم مدري البانكيك الإماراتي لكن ودي أعرف ليه يسمى خبز الجباب أو خبز اللقيمات خبري اللقيمات كذا شكلها وش العلاقة بينها وبين هالخبز عشان سموها خبز اللقيمات.
http://www.hawahome.info/uploaded/275/1152193358.jpg

[المتأملة]

الله يستر طلت علينا عاد أم شيخة هي وتعليقاتها الساخنة #$

يعني هذي هي المصابيب ؟؟
هذه المصابيب جارة المهابيب ،وفيه ناس ياكلونها بالعسل أما الجبن فهذا اختراع جديد.

ولاغريبة الحليب مع البصل ولا شي ولو دققتي أختي أم شيخة بعد ماتستوي المصابيب ناس تحب تحط فوقها بصل أما نحن لا مانحطه هذا بالنسبة للمصابيب.
أما باقي الطبخات النجدية حقتنا نحط فيها حليب وبصل عادي الجريش فيه حليب وبصل والمراصيع حليب ينطبخ ومعاه حمسة بصل وش طعمه مممممم والمطازيز بعد اممممم بالعكس يعطي مذاق متميز.

أما الصورة الي شفتيها فيها حليب حاطينها أهل شقرا فهي المراصيع وشكلج توج قايمة من عند الرمانة وسالي ماقدامج إلا صورة السيريلاك هههههههه عيل شجاب المراصيع للسيريلاك إلا إن كان أهل الإمارات سووا لهم سيريلاك بالطحين البر ههههههههه.

لخبطتوا شكلكم بين المصابيب والمراصيع هذي خلطة تختلف عن هذه وتختلف في التحضير والشكل .

أما هذه :



الخدامة عندي تشوف الصور ... تقول يوم كنت بالقصيم .. كنت اسويها ...تقول ويحطون بصل بعد عليها .... (( وين تركب حليب وبصل))!!!!!

بس تقول يسوونها ساعات يابسة حق اليهال وياكلونها مثل الشيبس ...هههه برينجلز... مب مصابيب هههههههه.

عاد منج لخدامتج قلنا لج الي تقصدينها المراصيع يابرنجلز المصابييب مب يابسة، ياليت اليهال ياكلونها أفيد لهم بدل هالشيبس الي دمر أسنانهم وصحتهم .
الله يهديك يالباخص ضحكت علينا أهل الإمارات قاعدين يقولون أكلنا شرات السيريلاك والبرينغلز هههههههه.





شو هذا اللي بالخضار؟؟ ثريد بالمصابيب؟؟

عاد هذي يجاوب عنها أبو عبدالرحمن هو الي حاط هالصورة مالي شغل #%


الغالية المتأملة

السموحة عاد عالتعليقات....

امزح تراني


تسلم ايدج ويعطيج العافية

مشكورة على تعليقاتك الي توسع الصدر ياالغالية ولو سمحتي نبي طريقة المهابيب قصدي المصابيب حقتكم ."*

وبالنسبة للمراصيع والمطازيز بنعلمج ياها وحدة وحدة الأيام الجاية لاتخبصين الدنيا وبعدين تقولين أكلنا شرات أكل اليهال والعيايز "_!"_!
بنشوف شغلج بالمصابيب بيطلع عدل ولا ح..........هههههههه أهم شي صوريه لنا بأي شكل كان ولو إني أدري بج ماتقدرين تسوين مثل مصابيبي هههه.

[المتأملة]

حياك أخوي زياد ومانستغني عاد عن أختي أم شيخة أم القرقطة والتعليقات المضحكة وهي ساعات تحب تصحيف بعض الكلام ههههههه خلها تدور على معناتها هي والرمانة وسالي "_!"_!

المصابيب أختي أم عبدالله حنا نسميها أيضا المصالي

مدري سمعتوا فيها أو لا
ماقد سمعت باسم المصالي أبد وهي فعلا لذيذة ومفيدة وأي أكلة فيها طحين بر تكون مفيدة أكثر بطبيعة الحال.

وعلى فكرة شريتي كي بورد جديد أم عبدالله

راح تقولين ليه ؟؟

أقول لأنك مليتي الكي بورد اللي عندك عجين وزيت
ههههههههههههههههه

شدراك أني شريت كيبورد جديد أخوي زياد ،والي يقولك إني كتبت الطريقة بالوورد قبل ماأسوي المصابيب وبعد ماسويت المصابيب عدلت عليها شوي ،وأنت الصادق الكاميرا الي بغت تمتلي زيت كل شوي أصور سالفة أقعد أصبب وأصور ههههه.

تسلمين طبخة رائعة رائعة

الله يخلي لنا شيباننا يأكلونها يوميا الصباح وأحيانا بالليل

الله يسلمك وجزاك الله خير،وماشاء الله على شيبانكم الي ياكلونها كل يوم مرة أو أكثر وماشاء الله على الي متفرغ يصبب لهم كل يوم #@

[طير الامارات]

ياهلا فيك أختي طير الإمارات وتسلمين على كلامك وكلك ذوق وماعليك زود ماشاء الله تبارك الله وكل طبخة تنزلينها تقول الزود عندي سواء كانت طبخة مالحة أو حلوة $*
فعلا الطحين البرمفيد وصحي ويوصف لأصحاب الحمية لأنه يحتوي على فيتامينات وألياف ويعطي شعور سريع بالشبع .
ومصابيبنا بالشكل مثل مصابيبكم بس تراها بانكيك ونسميه نحن ( الجباب أو خبز اللقيمات (>
نحن في انتظار صور مصابيبكم مدري البانكيك الإماراتي لكن ودي أعرف ليه يسمى خبز الجباب أو خبز اللقيمات



يا هلا بمعلمة الدار

بالنسبة لمصابيبنا حطيتها قبل وكانت أول مشاركة في مطبخ الرحالة

شوفيها في الرابط هذا

http://alrahhalah.com/vb/showthread.php?t=626

وليش سموها هالتسمية


لانها في الاصل من كلمة كب ( كب الماء ) وتعرفينا عاد رمسة هل الامارات نجلب الكاف والجيم وبدال ما نقول كب ( جب ) ولانها تنصب أو تكب بالخاشوقة ( الملعقة ) سموها جباب

وليش لقيمات لانها صغيرة مثل اللقيمات عشان جيه اللي ما يعرف خبز اللقيمات نبدلها بالجباب

عاد إذا فيه وصف ثاني بتخبرج أم شيخة


خبري اللقيمات كذا شكلها وش العلاقة بينها وبين هالخبز عشان سموها خبز اللقيمات.
[/COLOR][/SIZE]http://www.hawahome.info/uploaded/275/1152193358.jpg[/QUOTE]



هذي لقيمات صح ولها تسمية قديمة ثانية في لهجتنا بتخبرج فيها أم شيخة

اختكم طير الامارات

[المتأملة]

مشكورة أختي طير الإمارات على الرابط ويبدو أنني لم ألحظه من قبل ،وماشاء الله شكله زين مصابيبكم قصدي خبز الجباب هذا والزعفران معطيه لون حلو وشكله فعلا زي البانكيك لأنه طحين أبيض أما المصابيب فقيمتها الغذائية ولذتها بالطحين البر#$

لانها في الاصل من كلمة كب ( كب الماء ) وتعرفينا عاد رمسة هل الامارات نجلب الكاف والجيم وبدال ما نقول كب ( جب ) ولانها تنصب أو تكب بالخاشوقة ( الملعقة ) سموها جباب

وليش لقيمات لانها صغيرة مثل اللقيمات عشان جيه اللي ما يعرف خبز اللقيمات نبدلها بالجباب

عاد إذا فيه وصف ثاني بتخبرج أم شيخة.

يعطيك العافية على التوضيح يعني صارت من كب إلى جباب ياحليل رمستكم #$ وأنا قصدي شكلها غير اللقيمات لأنها مدورة وخبز الجباب أقراص صغيرة .

وبنستفسر أكثر من أم شيخة عن أسماء أكلاتكم أختي طير #_!وماقصرتي ونحن في انتظار المزيد من الطبخات اللذيذة من يد مشرفتنا الفاضلة.

[المتفائل]

يازين هالمصيبيات
تشونضين عدل ماشاء الله عليك
امممم يازين هالزين
ونبي القرصان والمرقوق والمخيمرات


اخوك المتفاؤل

[المتأملة]

مشكور أخوي المتفائل على إطرائك وأرجو ترجمة كلمة (تشونضين ) عمري ماسمعت فيها ؟

أما المخيمرات فأعذرني ماأعرفها أو يمكن أعرفها بو مو بهالاسم.وإن شاء الله أنزل طبخات ثانية المرات الجاية مو شرط تكون طبخات شعبية .

[ابوطلال]

يعطيك العافية

انا صراحة افضلها كثير بس افضل اضيف مع المقادير الي ذكرتي رشة كمون وحليب بدل الماء#^

[المتأملة]

الله يعافيك أخوي أبو طلال ماقد سمعت إنه ينضاف لها كمون غريبة يضاف لطحين البر كمون ؟؟
أما حليب بدل الماء فهذا وارد وعموما كل شخص وطريقته ومنكم نستفيد.

[هاشمية]

والله معدلة وشطورة يا المتأملة

فتحتي شهيتي بنص الليل على هالأكلة

لما أشوفها بحكي :واو بانكيك (كريب) ... عن جد شكلها بيشبه البانكيك

وعنا شي بيشبهها كانوا ياكلوها جداتنا اسمها اللزاقيات.

تحياتي الحلوة يا مبدعة

[المتأملة]

تسلمي أختي نعنوشة وهي فعلا شكلها يشبه البانكيك بس ألذ بكثير منه، وياليت تحطي لنا طريقة اللزاقيات نشوف هي مثل المصابيب ونقارن بينها وبين أكلة الجباب لأهل الإمارات #$

[الباخص]

ام عبدالله
اشوف كل من كتب شي واطرى شيء قلتي ماتعرفينها !!
الله كريم بس مايعرف المصابيب الا اهل اشيقر !! $# #%
ترانا نعرف المصابيب وفيه طرق عديدة لاعدادها وتصليحها ومن الممكن انها تختلف من طريقة لاخرى وعلى حسب الديرة .. انا والله احبها والاحسن منها المراصيع بالبصل والحليب امممممم#_!#@


اخوكم ابوعبدالرحمن

[الباخص]

شو هالكلام مراقبتنا الفاضلة ام شيخة
واهل قشرا .. قصدي شقرا ...
ياكلونها مع الحليب؟!! حشا كأنه سريلاك مب مصابيب بتستوي مهابيب هههههههه

تطنزين بعد !! @^@^@*@*:$
طيب طيب
بالله عليك هذا كلام عربي !! شومعناها بليز !! :$
http://www.alrahhalah.com/up/get-3-2008-lyfr0246.jpg (http://www.alrahhalah.com/up)

اخوكم وقادمنا اقوى

[النايفة]

تسلمين اختي المتأملة على المصابيب الطيبة
ونبي بعد المرقوق والجريش النجدي اختي

اختك الجديدة في المنتدى

[المتأملة]

وأنا صادقة أخوي أبو عبدالرحمن الي ماأعرفه قلت ماأعرفه وش أسوي تبرمجت على مصطلحاتنا الأشيقرية #$لأني بصراحة ماقد سمعت هالمسميات مصالي أو خبز الجباب أو اللزاقيات بس شيء حلو إن الشخص يستفيد من ثقافة الآخرين ومعلوماتهم ويعرف تسميات ثانية لنفس الطبخة تقريبا حسب المناطق ،طيب أنا راح أسأل ماهي المخيمرات ؟؟؟؟؟

الله كريم بس مايعرف المصابيب الا اهل اشيقر !!

المصابيب يعرفونها كل أهل نجد ماهي تخصص أشيقري بس .

ترانا نعرف المصابيب وفيه طرق عديدة لاعدادها وتصليحها ومن الممكن انها تختلف من طريقة لاخرى وعلى حسب الديرة
أكيد تعرفونها ماقلنا شي #%ومن خلال الموضوع تعرفنا على عدة طرق وإضافات لها بس ماأدري هل تختلف طريقتها في نجد من منطقة لأخرى ؟
والاحسن منها المراصيع بالبصل والحليب امممممم
بإذن الله المرة الجاية ننزل طريقة المراصيع بالبصل والحليب وجعله مداخيل العافية .

إلا أنا وش دخلني بوابة الطبيخ والنفيخ مو لو قاعدة على معلمة الدار أبرك لي #$#$

[المتأملة]

الله يسلمك أختي النايفة وحياك الله معنا هنا بالمنتدى وإن شاء الله أنزل المزيد من الطبخات في المرات القادمة بإذن الله.

[عصا الترحال]

آه يالمصابيب آه
بارك الله فيك