بتسافرون معاكم اطفال اعمارهم من 6 شهور -5 سنوات ؟؟تعالوا نجهز اكلهم واغراضهم بالصوررر

[miss_Dubai]

هلا أخواني و خواتي شو رايك ؟؟ بأكل الاطفال في السفر خصوصا
الصغار من عمر 6 شهور لين 5 سنوات ؟؟؟ شو تأكلونهم في السفر ..؟؟ من المطاعم ؟؟
تأخذون معاكم أكل معلب ؟؟ والا شو تسوون ؟؟؟!!!

تعالوا معايه براويكم ..
كيف أعد عدت الاكل ومعدات النظافة وادوات الطبخ للأطفال في السفر .
وخصوصا انا من هواه السفر يعنى في السنه نسافر 4 مرات تقريبا

وفيه أسأله ممكن تخطر على بالكم مثل :

كل هالاغراض تأخذينها معاج ووووايد ..؟؟ وهي اشياء عاديه ممكن تتوفر في كل بلد ؟؟
1- علشان تكون الرحله مرتبه وما يضيع الوقت في البحت عن مستلزمات الاطفال أخذ كل اللى احتاجه من البيت
2- لانه فيه منتجات معينه موجودة عدنا ومتعودين على استخدامها لما نسافر ما نحصل نفس المنتج بالضبط .
3- توفير في السعر مثلا ممكن اشترى كل الاغراض من الجمعيه بـ 200 درهم واذا اشتريت نفس الاغراض من اوربا يمكن تكلفى 200 يورو ..
4- اكون متأكدة من الاكل اللى ما خذتنها معايه حلال .

في الفنادق تتوفر وجبه الفطور مجانا (بوفيه) ؟؟ فليش نشل اغراض الفطور ؟
1- فيه فنادق او شقق فندقيه ما توفر وجبة الفطور.
2- ودائما بوفيه الفطور في الفنادق يغلق على الساعه 10 او 10.30 ومش دائما الاطفال يقومون الصبح من وقت علشان يلحقون على الفطور .
3- فيه فنادق تقدم وجبات فطور غير متنوعه ( كورن فلكس + فواكهه + روب ) فقط .. حتى بيض ما يحطون .

وشو عن الاشياء الطازجه ..؟؟
وتبقى الاشياء الطازجه اروح السوبر ماركت هناك واشتريها مثل ..
(البيض + الجبن + الخبر + الفواكهه + الخضروات)

**********************************************

اولا نقوم بتحضير شنطه خاصه فقط لهذي الاغراض .. وطبعاً ما يتعدى وزنها 32 كيلو ..

بسم الله الرحمن الرحيم نبدأ

وجبه الفطور ..
حليب المراعي
حليب بالفراولة
قشطه + عسل
فول مدمس
كورن فليكس (اي نوع اولادك يفضلونه)
بلاليط (هيل + زعفران+ سكر)
شاى لاتيه ( لي انا )
حليب رينبو + شاي ليبتون ( لي انا ولزوجي)

http://uaewomen.net/upload//uploads/images/uaewomen-e6bf3267e2.jpg (http://uaewomen.net/upload//uploads/images/uaewomen-e6bf3267e2.jpg)

وجبة الغداء او العشاء
أرز
معكرونه
اندومي
تونه معلبه
معجون طماطم
ماجي + ملح
زيت طبخ + زيت زيتون
دقوس ( لي انا طبعا)

http://uaewomen.net/upload//uploads/images/uaewomen-0546c53f1e.jpg (http://uaewomen.net/upload//uploads/images/uaewomen-0546c53f1e.jpg)

أغراض الـ baby
بسكويت
حليب أطفال
أكل جاهز (حبوب)
Bibs ورقي استعمال مره وحده
ترمس لحفظ الماء الحار
بامبرز + كلينكس مبلل لتنظيف
جهاز تعقيم المراضع + مراضع + فرشاه لتنظيف المراضع (نسيت اصورها)

http://uaewomen.net/upload//uploads/images/uaewomen-3c50e64215.jpg (http://uaewomen.net/upload//uploads/images/uaewomen-3c50e64215.jpg)

معدات الطبخ
****er كهربائي
جدر + مقلاة
كنكه كبيرة لعمل الشاي بالحليب (لي ولزوجي)
دله كهربائية لتسخين الماء (ما احب استخدم اللى موجود في الفندق)
خلاط لهرس أكل الاطفال مناسب للأطفال من عمر 6 -12 شهر
مقص + سكين + شوكه او ملعقه خشبية + مفك للعلب المعدنية

http://uaewomen.net/upload//uploads/images/uaewomen-e249ff85f7.jpg (http://uaewomen.net/upload//uploads/images/uaewomen-e249ff85f7.jpg)

أدوات النظافه

كلينكيس
مناديل ديتول المبلله
ديتول لتنظيف المراحيض
دواني الحنون لملابس الاطفال
صابون سائل لغسيل المراضع والصحون
صابون بودة لغسيل الملابس الداخليه للأطفال
اسفنج لغسيل الصحون + فوطه + اسفنجه لمسح الاسطح
اكياس بلاستيكيه لرمى المهملات والبامبرز من الغرفه اول بأول
كأس بلاستيكى كبير حق التشطيف لان اكثر الفنادق ما فيه شطاف عند المرحاض (الله يعزكم)

http://uaewomen.net/upload//uploads/images/uaewomen-14e44bb943.jpg (http://uaewomen.net/upload//uploads/images/uaewomen-14e44bb943.jpg)

الادوية
جهاز لقياس الحراره
دواء خافض للحرارة
دواء مضاد للحساسة عن التعرض لقرص
لزقات + كلينكس طبي معقم للجروح
جهاز التبخير والادوية الخاصه فيه (للأطفال اللى يعانون من الربو)
واي ادوية أخرى قد تحتاجينها لأطفالك
او للكبار مثل الاستربسل والمضادات الحيوية الخاصه بالاحتقان وادوية الضغط وجهاز الضغط ..الخ

http://uaewomen.net/upload//uploads/images/uaewomen-98acc82b23.jpg (http://uaewomen.net/upload//uploads/images/uaewomen-98acc82b23.jpg)

وفي انتظار أرائكم واقتراحاتكم .. علشان يكون السفر مريح وبدون عناء .. بإذن الله تعالى

[المسافر في سفاري]

ما شاء الله عليك اختي مس دبي اشهد أنك كفيتي ووفيتي

ويعطيج العافية

[طير الامارات]

ما شاء الله عليج يا مس دبي
ما قصرتي كل شئ حطيتيه من الألف إلى الياء
عن نفسي أهم شئ كنت آخذه معاي في السفر أدويتهم وأدوات النظافة والرضاعات واولهم الحليب
أما الحين ما شاء الله عليهم عدوا الخمس سنين فاكتفينا بالأدوية فقط والخاصة بالربو
يعطيج العافية أختي

[مخاوي الونس]

بصراحة كفيتي ووفيتي من ناحية الأكل والشرب

لكن وين الشنطة اللي بتشيل هالأغراض


وفيه شيء مهم بالنسبة للي يحبون المشي ومعهم أطفال

العربية ولا المحمل اللي يثبت على الجسم

أيهم أفضل ؟


http://www.alrahhalah.com/vb/mwaextraedit4/extra/49.gif



تحيااااتي