بنقلور من جديد

[ماجد القطري]

السلام عليكم و رحمة الله و بركاته


شخباركم علومكم

ان شاء الله طيبين

قررت ان اذهب الى بنقلور في عطلة العيد القادم ان شاء الله
للعلاج
وسمعت عن عيادة دكتور $# من الحين نسيت اسمه عيادة الانصاري يتكلم عربي وعلاجة فوق الممتاز

طبعا من قبل انا مخطط ومجمع معلومات علشان اروح للعلاج من الحساسية ولكن اليوم ابي اروح لعلاج زوجتي من انسدادات الشرايين يقال ان هناك علاج متوفر لديهم بدون اجراء عمليه

علاج ( الأؤوزون ) والــــ ( كليشن ) ، لفتح الشرايين وتطهيرها !!!!! بدون عمليات جراحيه

عندي كثير من المعلومات ولكن مازلت متخوف من الوصول الى بنقلور
هل المطار كبير ويحتاج مشي اكثر من العادي

هل عيادة الانصاري بعيدة او سمعتوا عنها اصلا

وهل هناك عنوان واضح اعطيه التاكسي ويوصلني الى ما اريد
مجمعات السكن مقترحة قريبة من العيادة
سمعت ان طيران الامارات يوصل مباشرة الى بنقلور
كذلك الخليج
مافيني شدة تبديل مطارات و قطار ولعوازة هنود

ارجوا تصحيح المعلومة او نفيها
وان امكن تقدير سعر التذكره على البسنس

كم تستغرق الرحلة


يعطيك العافيه

كلمة اخيرة
الباخص وعيسى خلوا هواتفكم في العيد مفتوحة ستاند باي #^

لاتسكرونها #%

[ام شيخه]

ان شاء الله يفيدونك يا بو جسوم خبراءنا الهنود .. عفوا قصدي خبراء الهند

ونتمنى لكم الصحة والعافية

الله يسهل أموركم يارب

[مخاوي الونس]

الله يكتب لكم الاجر والشفاء

ويسهل دربك


تحياااتي

[حمده بنت احمد]

الله يحفظك .. تروح وترجع بالسلامه
ماتجوفون شر ان شاء الله

[هاوي الحباري]

الله يوفقكم للخير والبر
وأتوقع بالتواصل مع منسقي السياحة كـ الأخ : جهاد
ستكون لكثير من أسئلتك إجابات وافية بإذن الله


وإذا جاء الباخص سيوافيك بكل ما تحتاجه بإذن الله
فهو خبير الخبراء




بكل الود ومن كل قلبي أمنياتي لكما بالتوفيق والشفاء والعفو والعافية يارب


ومن الحين لا تقول ما عندي وقت ومدري شنو
تقرير يعني تقرير
ومن بو جسوم يعني أكيد غير
:)
أخوك
نايف

[الباخص]

حي الحبيب وغالي دارنا
اسأل الله لك ولزوجك الشفاء العاجل
ولااراك ولاارانا ولاارى اهل الدار سوء امين
سوف اتصل بك غداً لكي افيك بالمطلوب ومن يقوم بك هناك ويوصلك ويسهل امورك باذن الله
ونحن في الخدمة ليلاً ونهاراً لاهل الطيب مثلك وشرواك من اهل الدار

اخوك المحب لك ولاهل الدار اجمع

[ماجد القطري]

ام شيخه

الدكتور الي في الهند من مواليد الامارات
يعني خفي علينا شوي ههههههه

مخاوي الونس

الله يرضى عليك مشكور ماقصرت

حمده بنت احمد
الله يسلم الجميع مشكورة الله يرضى عليج

هاوي الحباري

الله كريم اذا حصلت وقت خخخخ

ان شاء الله نتطمن على الاهل ويصير خير في التقارير

اصور لك كم شجرة على كم هندي

الباخص

الله يحفظك بارك الله فيك ابشرك حصلت رقم الدكتور احمد الانصاري الذي اردت الوصول اليه
واخذت معاه موعد
ونسق لي سايق بعد
ولا نستغني عنك ورقمك عندي انا باتصل عليك ان شاء الله اقرب فرصة

الصراحة مقصر في حقكم والله

جزاكم الله خير جميعا

[golden lens]

ربي يعافيكم ويشفيكم...

وما تشوفون شر...

وان شاء الله بعد تقريرك الياي الكل بيستفيد من تجربتكم وبيدعيلكم..

موفقين

[بوشاهين]

مرحبا بوجسوم

اولاً الله يشفي ام العيال

ثانياً

احسنت الختيار يوم اخترت بنغلور لأن ما فيها استغلال

والمطار ما تمشي فيه وايد وما فيه اخذ رشاوي وغيرها .

العلاج عندهم ماشاء الله رخيص ارخص واحسن من تايلاند وبكثير .

عيادة الأنصار سمعت عنها والكل يمدحها بس ما سرتها .

الرحله من مطار الشارقة ثلاث ساعات وخمسة وعشرين دقيقه .

المستشفى اللي تعالجنا فيها نحن تعتبر افضل مستشفى في بنغلور .

بس ما اذكر اسمها بسال أخوي وبخبرك :)

[ماجد القطري]

golden lens

ان شاء الله

تسلمين ماقصرتي بارك الله فيكِ و لكِ


بوشاهين
مشكور ماقصرت يالغالي على نصايحك و تشجيعك لزيارة هذا المكان و عيادة الانصاري

بنسبة الى المستشفى ياريت تذكر لنا اسمه وعنوانه قد نحتاج اليه في امور اخرى

يعطيك العافيه مشكور ماقصرت

[ماجد القطري]

موضوعي عن الهند




http://www.alrahhalah.com/vb/showthread.php?p=114603&posted=1#post114603