تقرير زيارتي لدبي في عطلة عيد الأضحى المبارك

[المتأملة]

السلام عليكم ورحمة الله وبركاته .............................
هذا التقرير سبق لي أن كتبته بمنتديين آخرين قبل شهرين تقريبا ،وأحببت نقله هنا رغبة في إثراء البوابة الإماراتية بما هو مفيد وجديد .

في عطلة عيد الأضحى المبارك كانت لنا زيارة قصيرة إلى مدينة دبي حيث سكنا في فندق برجمان روتانا سويتس لكن اسمحوا لي إذا ماكان تقريري هذا بالمستوى المطلوب والمتوقع لأني كنت مترددة في البداية أسوي تقرير ولا لا وماأخذت إلا صور قليلة جدا ماكانت ذاكرة الكاميرا الي معاي تكفي لا وزيادة على كذا كان السلك حق الكاميرا ضايع مالقيته إلا في نفس يوم السفر وأغلبها صور شخصية لبناتي وغير كذا كنا مسوين حجوزاتنا بس ماكنت متأكدة تماما إننا بنسافر إلا قبل السفر بكم يوم وبعدين غيرت رأيي وقلت خل أكتب ولو شي بسيط أو حتى معلومة تستفيدون منها فاعذروني ياجماعة الخيروبإذن الله نعوضها المرات الجاية .
ودي قبل ماأبدأ تفاصيل الرحلة أوضح لكم إني سافرت قبل كذا لدبي حوالي 4 مرات وكل مرة تحلى دبي أكثر من قبل وتفتح أشياء جديدة حلوة وترتفع أسعارها أكثررررررر وراح أذكر تجربتي خلال السفر لدبي خلال السنوات الماضية ورأيي الشخصي في الفنادق والأماكن المذكورة لأن الناس أذواق ومايناسب فلان قد لايناسب الآخر واسمحوا لي بالنسبة للأسعار خلال السنوات الماضية لأني ماأتذكرها بدقة ولا احتفظنا بفواتير الفنادق وطبعا الحين الأسعار في ارتفاع يعني الي من قبل كنا نسكن فيه ب600 أتوقع مايقل الحين عن 1000.
1- أول سفرة كانت قبل حوالي 9 سنوات وكانت أول رحلة لي خارج السعودية مع أطفال وسكنا في فندق دبي مارين مو المنتجع الي على الشاطئ لا فندق عادي جدا لكن مو متأكدة من موقعه دورته في النت عشان أتأكد من الموقع وما حصلته مدري للحين موجود ولا تغير اسمه أو انمحى من الوجود هههههههه بس أظنه في ديرة بوسط البلد وماأعجبني كثير فالغرفة صغيرة شوي وضيقة بس نظافته معقولة وسعره حليو بس ناسية كم بصراحة وغيرناه بعد يومين لفندق كراون بلازا بشارع الشيخ زايد
وهذه صورة للفندق من النت من موقع دبي العالمي :

http://www.dubai.ws/dubai-hotels/Crowne_Plaza_ext.jpg

وهذي صورة للغرفة من النت بعد:

http://www.dubai.ws/dubai-hotels/crowne-plaza2.jpg



وكان أحلى وأشرح من الي قبله والغرفة نظيفة نوعا ما وسعره أظن يا500يا600 درهم وهو خمس نجوم بس كأنه أربع نجوم وأثاثه قديم شوي وكان الحلو إن تحته سوق صغير وبقالة عاد ياحب البزارين للبقالة $*وتحته بعد مطعم فرايديز يعني أونس من الي قبله بس كانت هذه الرحلة متعبة لأن بنتي الصغيرة مرضت وتعبت كثير علي في نفس يوم الوصول لدبي وماعرفنا وين نوديها مانعرف مستشفياتهم الزينة ورحنا لمستوصف يمشي الحال وما استفدنا شي وزاد تعبها وبعدها واحد من أصدقاء زوجي دلنا على عيادة زينة والحمدلله خف تعب بنتي بعد ماأعصابي @%@%
2- ثاني رحلة كانت قبل 6سنوات تقريبا وسكنا في فندق الجميرة بيتش والحق يقال فندق حلو وروعة ونظيف وشرح وغالي يعني الليلة بألف وشوي بس ماأفكر أسكن فيه مرة ثانية تدرون ليه ؟
أنا رحت له في الصيف وكان مليااااان أوربيين أجانب وتحته كم بركة سباحة عاد ليت
إن المناظر الي مانبي نشوفها عند البركة بس المصيبة إني وأنا طالعة من الغرفة وفي المصعد أشوف الأجنبيات يتمشون بلبس البحر الي كلكم خابرينه والي فيها حياء شوية تحط فوطة عليها استغفر الله ياربي أحيانا ودي أمشي وأنا مغمضة و ماودي استاثم بهالمناظر كل ماطلعت ،والمشكلة إن بناتي بيموتون على المسبح لأنه بصراحة مغري وكنا نحاول نروح في الأوقات الي ماتكون زحمة كثير عاد البنات يسبحون مع أبوهم وأنا أراقب البنات بحذر أخاف من المسبح والله الحافظ.
وكنت أظن في نفسي إنه ممنوع الأجانب أو غيرهم يمشون بمثل هاللبس وهم رايحين للغرف أو إن فيه حدود للبس بس للأسف ماكان ظني بمكانه ولا لو كنت أعرف من قبل ماحجزنا فيه لأنه ماقد حجزت من قبل في فندق على الشاطئ وما أظن إني راح أسكن مرة ثانية بفندق على الشاطئ خاصة بالصيف.
والي يكون ساكن بفندق الجميرا يودونه بعربة من عندهم في زيارة لبرج العرب الي هو فعلا تحفة فنية رائعة بحق لكن أسعاره نااااااااار ولا الغرف تطير العقل من جمالها وفخامتها بس حسيته فندق هادي لدرجة الكآبة ماحسيت فيه ناس كثير وأنا من النوع أحب المكان يكون حيوي بس مو زحمة خانقة ،وغير كذا الوايلد وادي الي هو الألعاب المائية يحق لمن هو ساكن في الفندق يدخلها مجانا لأن الي من خارج الفندق ذاك الوقت لازم يدفع 200درهم على ماأظن وهي ألعاب مائية حلوة جدا وممتعة وتخلي الي مايسبح وده يسبح ونفس الشي عيبها الرئيسي كثرة المناظر الي أنتم خابرينها عشان كذا ماطولنا فيها كثير كان زوجي ناوي يسبح فيها بس غيرنا راينا وخلينا البنات يسبحون في بركة الصغار شوي وطلعنا بعدها منها .
وهذه صورة للفندق من النت:
http://www.dubai.ws/dubai-hotels/jumeirah%20beach.jpg

وهذه صورة للغرفة من موقعهم على النت:

http://ar.jumeirahbeachhotel.com/i/photo_stay_1.jpg


3-المرة الثالثة قبل 4 سنوات وحصل لنا أخوي حجز عن طريق النت ماأدري من أي موقع في فندق دبي أنتركونيتننتال بحوالي600أو 700 درهم على ماأظن ماني متذكرة الأسعار لأنه من زمان وكان عرض مغري حتى إن الموظف حق الفندق قال لزوجي من وين جبت هالسعر إحنا أسعارنا في الليلة 1200 درهم وكان فندق حليو ونظيف وتحته سوق بعد بس مو ونيس كثير وغير كذا ذيك السنة كانوا الفندق مسوي تصليحات فيه يعني أنواع الإزعاااااااااج من الصبح لليل فكنت أتصبح بالإزعاج والطقطقة فوق راسي من الساعة 6 الصباح وأقول لزوجي بعد يبون 1200درهم على هالصجة ماأقدر أنام بالنهار أبدا @*
وهذه صور للفندق من النت :
http://www.dubai.ws/dubai-hotels/intercontinental1.jpg

وهذه صورة الغرفة من نفس الموقع السابق بس غرفتنا كانت عادية مو مثل هذه الي بالصورة:

http://www.dubai.ws/dubai-hotels/intercontinental2.jpg


4-المرة الرابعة كانت قبل سنة ونصف وكنت أتصفح النت وأعجبني كثير أنا وبناتي فندق جراند حياة المطل على خور دبي وحديقة الخور، وحجزنا فيه ونفس الشي الليلة ب1200 تقريبا وكان فيه عرض كل أربع ليالي ليلة مجانية بس بصراحة فندق كلمة روعة شوية عليه ونيس ونظيف وراااااااقي وأكله شهي وأثاث روعة ونظيف ويشرح الصدر وبصراحة أحسن وأروع وأونس فندق سكنت فيه بدبي وماشفت فيه أي منظر يخدش الحياء إطلاقا ويمكن كان لتوقيت الرحلة دور في كذا لأني رحت آخر العطلة الصيفية وطبعا كل شي توفيق من رب العالمين بس أكثر فندق ارتحت واستانست فيه وودي أسكنه مرة ثانية لو حصل ياحلوه ويازينه يجنن ذاك الفندق عاد تحتنا بركة السباحة وبناتي يموتون على شي اسمه مسبح ينزلون المسبح مرتين في اليوم مع أبوهم طبعا وماكان زحمة وهذا شي حلو فيه يعني راحة على الآخر.
وهذه صور له من النت من موقع الفندق
هذا شكله من الخارج:

http://dubai.grand.hyatt.ae/dubgh/picsbig/dubgra01p001.jpg

وهذه صالته:
http://dubai.grand.hyatt.ae/dubgh/picsbig/dubgra01p027.jpg



وهذه تقريبا مثل غرفتنا الي سكنا فيها مع بعض الاختلاف البسيط:

http://dubai.grand.hyatt.ae/dubgh/picsbig/dubgra01p002.jpg

وهنا كانوا بناتي الله يحفظهم يروحون يسبحون في قسم الصغار طبعا:

http://dubai.grand.hyatt.ae/dubgh/picsbig/dubgra01p025.jpg

وهذا منظر للخورمن الفندق:

http://dubai.grand.hyatt.ae/dubgh/picsbig/dubgra01p026.jpg

بصراحة الي مايهمه السعر ويبي يروق نصيحتي يسكن هالفندق الروعة.

[المتأملة]

بالنسبة للفنادق السابقة كلها السعر مع الفطور ماعدا جراند حياة مع إنه أغلى واحد فيهم قالوا بوفيه الفطور ب120 الظاهر وطبعا مستحيل نفطر بوفيه إذا السعر ماهو محسوب مع الغرفة فاضين ندفع هالقيمة وبناتي ماياكلون غير كورن فليكس
وحبيت أوضح إننا خلال السفرات الأربع السابقة لدبي نسكن بفنادق خمس نجوم عشان النظافة والأمان والرفاهية بعد بس مانطول كلها خمس أو ست أيام ويمكن تكون هي السفرة الوحيدة خلال السنة، وبالنسبة لنا الفندق جزء من متعة السفر فمادام الواحد رايح يستانس وراح يدفع فلوس يدفعها بفندق سنع لأننا نجلس فيه شوي والبنات يروحون المسبح وزوجي بعد فحلو يكون فندق شرح ونظيف لكن طبعا لو تكون المدة أطول الوضع بيختلف من ناحية البحث عن بديل أرخص شوي ،وكنا نروح عن طريق طيران الخليج من البحرين لأن سعره أرخص من الخطوط السعودية لأن الشخص ب800 ريال وفي الخطوط السعودية ب1100ريال بس حسيته متعب مع العائلة ووقت أطول وبالنسبة لي ماأفضل هذا الخيار لأنه سالفة نطلع من بدري ونجلس بزحمة الجسر وبعدين نودي السيارة للمواقف تبع المطار وننتظر باص المواقف يودينا للمطار مع العفش وبعدين ننتظر في المطار مدة قبل الرحلة لأن زوجي يحب يطلع أي رحلة مبكر احتياطا .
وطيران الخليج بالنسبة لي عادي جدا وما أعجبني أبداااااا ومافيه غير سعره بس ولا لاخدمة سنعة وأكله الله يديم النعمة حتى أتذكر قبل العام لما رحنا كان الأكل شكله مايشهى وريحته مبيت عليه بايت ولما سألت المضيف عن الأكل وأقول له إنه متغيرة ريحته قال تونا ماخذينه من المطار غريبة؟ وماخليت بناتي ياكلونه وكان معاي شوي خفايف صبرنا حالنا فيها ولا وغير كذا تأخرت الطيارة شوي وكانت ياسلام توها جاية من بومباي والريحة يالطييييييييف تقرف .
عاد أنا مشكلتي أتضايق كثير من الريحة الشينة أحس بصداع وتلوع كبدي ولازم معاي في أي رحلة عطرفي الشنطة ويوم ذيك الرحلة في الطيارة الي توها جاية من بومباي كل دقيقة أرش عطر ولا أشمه تطغى الريحة المقرفة على ريحة العطر وش بيغطي هالريحة؟؟؟؟
ونفس الشي في الرجعة ماأكلنا وجباتهم وكنت ماخذة احتياطي من دبي بسندويشات جبنة وأكلناها بالطيارة .
وأتذكر قبل العام إننا تعبنا فعلا لما طلعنا من المطار ماحصلنا الباصات الي تودي للمواقف ووقفنا أكثرمن ساعة تململوا البنات ومافيه فايدة مدري وش القصة ذاك اليوم وبعدين قال لنا واحد من سواقين التاكسي تبع المطار أوديكم للمواقف بس بخمس دنانير والمواقف جنبنا بس مانقدر نروح مشي معانا صغار وعفش ولما ملينا وما جاء الباص أخذناه بهالسعر الغالي مستغل الموقف بصراحة وماأعجبني هالتصرف لأن المسافة قريبة جدا ماتسوى هالمبلغ بس مانقدر نروح مشي له ونفس الشي انتظار وزحمة على الجسر وووووبعدها قلت خلاص ماني رايحة عن طريق البحرين لأن الوضع متعب وممل مع العائلة بالنسبة لي مع إن الكثير عادي عندهم السفر عن طريق البحرين بس أحس لو مسافة بعيدة والسعر مغري فلا مانع لكن مسافة قريبة ماتسوى الواحد يقعد يتنقل بين هالمحطات الكثيرة.

[المتأملة]

كنا مترددين شوي قبل السفر هالمرة لدبي في عطلة العيد ثم عزمنا وتوكلنا على الله وسوينا حجوزاتنا قبل السفر بشهر تقريبا بالنسبة للتذاكر والسكن فزوجي سبق أن سكن بهذا الفندق إذا كان مسافر في رحلة عمل ويمدحه وهو نظام سويتات والحلو إنه ملاصق لبرجمان يعني ننزل وندخل السوق على طول وكانت الرحلة ثاني أيام عيد الأضحى الي هو يوم الخميس في العصر على الخطوط السعودية وكان سعرالتذكرة 1100 ريال لي ولزوجي وللبنات 840 ريال ،ووصلنا المطار على الساعة 3 وربع العصر وكان موعد الرحلة 4 ونص ودخلنا العفش وانتظرنا عنده حوالي 20 دقيقة كان فيه زحمة شوي والي ضحكني إنا دخلنا سيده بشناطنا عند العفش قبل مانمرر الشنط عند السير الكهربائي ههههههه كيف نسيناه مدري؟؟ يوم جينا ندخل العفش قال الموظف ماشيكتوا على الشنط ؟؟؟ونقوم نرجع ونشيك عليها وبعدين دخلناها ودخلنا للانتظار حوالي ربع ساعة وبعدها نادوا على الطيارة وأقلعت الساعة 4 و40 دقيقة تقريبا.
وفي الطيارة قدموا للأطفال وجبات حليوة وهدية عبارة عن شنطة ظهر فيها شغلات للأطفال،وطبعا مدة الرحلة حوالي ساعة وأحس كأنها أقل من كذا ماأمداهم يوزعون الوجبات وقبل مانخلص الأكل إلا والطائرة تستعد للهبوط.تصدقون في كل رحلة ماأقلق من الطيارة قد ماأحاتي الإقلاع والهبوط فإذا شفت الإقلاع بخفة ارتحت وإن كان الإقلاع بقوة أقول الله يعينني على الهبوط .
وسبحان الله بالطيارة ساعات تحس كأن الطيارة تنزل على ماء وتقلع بخفة وسهولة تخلي الواحد مرتاح وهو بالطيارة وساعات يالطيف أحس كأني راسي راح يضرب بالسقف من قوة الإقلاع وأحيانا الطيارة تهتز كأن الواحد بخلاط وعند الهبوط بعضهم يخبط أرض المطار بقوة تخلي الضلوع تتصرقع في بعض والأذان تعور وكأنهامنسدة يالطيف والمعدة تتقلب
ووصلنا الساعةالخامسة و40 دقيقة بتوقيت السعودية يعني السادسة و40 دقيقة بتوقيت الإمارات.

[المتأملة]

لما نزلنا أرض المطار لفت نظرنا الزينات الهائلة المعدة لعيد الكريسماس والموجودة بكل مكان وأشجار عيد الميلاد وسانتا كلوز (بابا نويل) بداية من المطار إلى أغلب المحلات والمطاعم والفنادق.
طبعا من وصلنا المطار قالوا بناتي نبي نركب العربة الي توصلنا من أول ماننزل المطار إلى جهة العفش يستانسون عليها وبعدهااستلمنا العفش ثم أخذنا تاكسي من المطار مع إن المسافة مو بعيدة للفندق حوالي 10 دقايق أو أقل إلا إنه أخذ علينا حوالي30 درهم الظاهر فتح العداد 20درهم من المطار.
لما نزلنا الفندق لقينا السويت الي حجزوا لنا فيه صغير وماعجبنا وطلبنا سويت أكبر وكان حليو ونظيف لكن مو بالفخامة والمساحة الي توقعتها لأني شفته بالصورفي النت شكل مساحة الغرفة والصالة أكبر (غرفة +صالة +حمام+مطبخ صغير) يعني وسط لاهو كبير ولاصغير ومعقول نوعا ما وتحته مركز برجمان وسكنا في الدور 20 وكنا ننزل للسوق الموجود بالدور الثالث بأي وقت نحتاجه.
بعد ماوصلنا الفندق وريحنا شوي نزلنا لبرجمان وتمشينا شوي وتعشينا وبعدها رجعنا عشان ننام وطلبنا منهم سرير إضافي لأن مافيه إلا سرير مزدوج واحد وماكان متوفر عندهم أول يوم الظاهر كان زحمة شديدة في الفندق ودبرنا نفسنا أول يوم.
ثاني يوم نزلنا للفطور الموجود بالدور الثالث والحلو إنه محسوب مع الغرفة وكان بوفيه مفتوح وحسبوا علينا الأربعة أشخاص بسعر شخص واحد (75)درهم سعر البوفيه للشخص الواحد لأن زوجي معه بطاقة العضوية حقتهم من فتح الفندق اشترك ببطاقة عضويتهم وأعطوه مميزات وخصم زين كان بوفيه حليو وطبعا الآنسات الي معاي كالعادة مافيه أكل سنع ياكورن فليكس أو بيضة مسلوقة وفطورهم أي كلام هههههههه عشان كذا ماأحب آخذ بوفيه فطور بس مادام محسوب مع الغرفة راح نفطر فيه ولأنه يوم جمعة
والمحلات ماتفتح الصبح قلنا راح نمشي فيه شوي بعد الفطور دام مافيه ناس نشوف ايش المحلات الموجودة لأنها ماتفتح يوم الجمعة إلا على الساعة 2 الظهر وأنا أتمشى شفت أحد محلات الدونات في المجمع واستغربت منه لأن المحل صاير بنص المجمع ومكشوف ماله باب وحاطين سلسلة حديد مقفلين فيها المحل بس المحل مكشوف قدامي وطبعا مافيه أحد.
المهم الثلاجة فيها دونات ومكشوفة ومغطينها بسفرة بلاستيك تغطية أي كلام يعني لو يجي أحد يلطش دونات أو تجي عليها حشرات ممكن بكل سهولة وأنا أقول على الأقل لو صفوها بكرتونة مسكرة وأقول لزوجي: تتوقع من بكره يبيعونها للناس عادي وإلا يرمونها، وأقول لنفسي لوكانوا بيرمونها كان رموها قبل مايقفلون المحل مايتركونها كذا مكشوفة والمشكلة لو تجي من بكره وتسألهم هالدونات فرش (طازة )قالو :يس ، والله أعلم بهم يصرفون القديم وبعدين يبيعون الجديد.

[المتأملة]

رجعنا بعد الفطور للغرفة وبعدها زوجي راح يصلي الجمعة وأنا جلست أرتب الأغراض وأجهز ملابس البنات ثم تم الاتفاق مع الغالية أم شيخة على مكان اللقاء .الي يضحك في البداية نرسل مسجات لبعض وبعدها على طول ندق تلفون ونكمل ههههههه وفي اليوم أكثر من مرة نتصل على بعض ونتشاور على المكان المناسب وأم شيخة تقول: ماأقدر أسير هناك راح أتعب وهي خبركم كسولة هههههه امزح لا والله ماودنا نتعبها وهي حامل وبقي لها فترة بسيطة وتولد بالسلامة إن شاء الله.
في البداية قلنا دبي فيستفال سيتي عشان يكون أقرب لها وعشان إذا تعبت ترد بسرعة ههههه بعدين غيرنا رأينا واقترحت أم شيخة إننا نروح لمنطقة اسمها أب تاون في مردف وأول مرة أسمع فيها ماقد رحت لها من قبل لأن المولات زحمة وأحيانا المكيفات ماتبرد زين من الزحمة عاد لاتنسون عطلة عيد ونهاية السنة الميلادية .
بعد ماجاء زوجي الظهر نزلنا برجمان وتغدينا وبعدين اشترينا بعض الأغراض واحنا نتمشى في برجمان إلا وينط لنا واحد من حقين التايم شير عاد عندهم ماشاء الله موظفين كأنهم رادارات يدورون بس على العوائل الخليجية و مشينا وما سمعنا أي كلمة من الي يقولها ملينا من هالشركات ونصبها على الناس ،ورجعنا للفندق وتجهزنا وبعد المغرب طلعنا لأب تاون وهو عبارة عن سوق صغير مفتوح وفوقه شقق سكنية وتصميمه حلو وشرح كأنه سوق أوروبي وفيه منطقة ألعاب مفتوحة في النصف بس للأسف ماأخذت له صور وحاولت أحملها من منتدى ثاني وماطلعت الصورة ،وعلى فكرة أنا توقعت إن الجو شتاء عندهم بس كان حلو وأحيان أحس إنه حر وأشيل الجاكيت حتى بالليل مع إن الجو أبرد بس حلو ماهو حر شديد ولابرد معتدل المهم وصلنا أب تاون وقال زوجي راح أتمشى شوي لما تشوفين صديقتك وبالفعل دقيت عليها وجتني وشفتها هي وبناتها شيخة والرمانة ماشاء الله عليها أدب وذوق وأخلاق وروح مرحة الله يحفظها ويخلي لها بناتها ورحت معاها لجهة وجلسنا على كراسي نسولف شوي وبعدها رحنا للألعاب وكانوا بناتي بيلعبون في لعبة تصلح لبنات كبار شوي لكن أم شيخة قالت:لا ماتقدر بنتي شيخة تقول بعدين قلبها يقرقطها هههههههه عاد دام السالفة فيها قرقطة بطلنا وبغيناهم يلعبون بلعبة ثانية بس الظاهر كانت مجانية وعليها زحمة موت وقلنا بلاش منها ولعبوا كم لعبة ولزمت وحلفت الغالية إنها هي الي تحاسب عن الألعاب الي يلعبونها ولعبوا بناتي مع بنتها شيخة في كم لعبة والي عجبني في أب تاون إن أغلبه إماراتيات
في اليوم الي رحته وقليل الأجانب فيه ،وبعدها كنا راح نجلس مع أم شيخة في مقهى بس ماسمحت الظروف وكانت جلسة قصيرة حلوة وياها الله يسعدها.

[المتأملة]

رجعنا بعد الفطور للغرفة وبعدها زوجي راح يصلي الجمعة وأنا جلست أرتب الأغراض وأجهز ملابس البنات ثم تم الاتفاق مع الغالية أم شيخة على مكان اللقاء .الي يضحك في البداية نرسل مسجات لبعض وبعدها على طول ندق تلفون ونكمل ههههههه وفي اليوم أكثر من مرة نتصل على بعض ونتشاور على المكان المناسب وأم شيخة تقول: ماأقدر أسير هناك راح أتعب وهي خبركم كسولة هههههه امزح لا والله ماودنا نتعبها وهي حامل وبقي لها فترة بسيطة وتولد بالسلامة إن شاء الله.
في البداية قلنا دبي فيستفال سيتي عشان يكون أقرب لها وعشان إذا تعبت ترد بسرعة ههههه بعدين غيرنا رأينا واقترحت أم شيخة إننا نروح لمنطقة اسمها أب تاون في مردف وأول مرة أسمع فيها ماقد رحت لها من قبل لأن المولات زحمة وأحيانا المكيفات ماتبرد زين من الزحمة عاد لاتنسون عطلة عيد ونهاية السنة الميلادية .
بعد ماجاء زوجي الظهر نزلنا برجمان وتغدينا وبعدين اشترينا بعض الأغراض واحنا نتمشى في برجمان إلا وينط لنا واحد من حقين التايم شير عاد عندهم ماشاء الله موظفين كأنهم رادارات يدورون بس على العوائل الخليجية و مشينا وما سمعنا أي كلمة من الي يقولها ملينا من هالشركات ونصبها على الناس ،ورجعنا للفندق وتجهزنا وبعد المغرب طلعنا لأب تاون وهو عبارة عن سوق صغير مفتوح وفوقه شقق سكنية وتصميمه حلو وشرح كأنه سوق أوروبي وفيه منطقة ألعاب مفتوحة في النصف بس للأسف ماأخذت له صور ،وعلى فكرة أنا توقعت إن الجو شتاء عندهم بس كان حلو وأحيان أحس إنه حر وأشيل الجاكيت حتى بالليل مع إن الجو أبرد بس حلو ماهو حر شديد ولابرد معتدل المهم وصلنا أب تاون وقال زوجي راح أتمشى شوي لما تشوفين صديقتك وبالفعل دقيت عليها وجتني وشفتها هي وبناتها شيخة والرمانة ماشاء الله عليها أدب وذوق وأخلاق وروح مرحة الله يحفظها ويخلي لها بناتها ورحت معاها لجهة وجلسنا على كراسي نسولف شوي وبعدها رحنا للألعاب وكانوا بناتي بيلعبون في لعبة تصلح لبنات كبار شوي لكن أم شيخة قالت:لا ماتقدر بنتي شيخة تقول بعدين قلبها يقرقطها هههههههه عاد دام السالفة فيها قرقطة بطلنا وبغيناهم يلعبون بلعبة ثانية بس الظاهر كانت مجانية وعليها زحمة موت وقلنا بلاش منها ولعبوا كم لعبة ولزمت وحلفت الغالية إنها هي الي تحاسب عن الألعاب الي يلعبونها ولعبوا بناتي مع بنتها شيخة في كم لعبة والي عجبني في أب تاون إن أغلبه إماراتيات
في اليوم الي رحته وقليل الأجانب فيه ،وبعدها كنا راح نجلس مع أم شيخة في مقهى بس ماسمحت الظروف وكانت جلسة قصيرة حلوة وياها الله يسعدها.

[المتأملة]

هذه بعض الصور منقولة من منتدى ثاني ...ساعدتني في نقلها الأخت الغالية أم شيخة عن مركز أب تاون مردف لأني حاولت أنقلها والصور ماطلعت عندي،وهذه الصور:

http://www.3tt3.net/up4/get-1-2008-tw1k931z.jpg

http://www.3tt3.net/up4/get-1-2008-a84ssvwt.jpg

http://www.3tt3.net/up4/get-1-2008-9e02i6jb.jpg

http://www.3tt3.net/up4/get-1-2008-xkq66wce.jpg

وعموما ماسمحت الظروف إني أطول بمركز أب تاون والعيب في المركز شيء واحد بس إنه قريب من المطار يعني كل شوي وأنا أتكلم مع أم شيخة ماندري إلا الطيارة فوقنا وخبركم صوت الطيارات العالي المزعج

[المتأملة]

بعد مارجعنا من أب تاون حبينا نتعشى خفايف ورحنا لبقالة قريبة من الفندق واشترينا كم شغلة للعشاء والأسعار غالية طبعا تخيلوا كيس خبز أصغر حجم فيه 6 أو 8حبات ناسية بس أظن 6 حبات بدرهمين ونص ومعلبات وعصيرات بس غالية بعد وبعدها رجعنا للفندق وتعشينا .
اليوم الثاني نزلنا للفطور ورجعنا للغرفة لأن قبل الظهر بشوي جتنا في السويت زوجة صديق زوجي وهي هندية الجنسية وتتكلم بالانجليزي عاد أقول لبناتي فرصة نمرن نفسنا على الانجليزي الي مستوانا فيه يمشي الحال لأننا مانستخدمه في حياتنا اليومية كثير وإلا لو نستخدمه يوميا كان صرنا بلابل بالانجليزي ههههه وماشاء الله عليها حطينا لها ضيافة كثيرة وما أكلت غير حبة تمر وربع كوب كابتشينو وقطعة حلى صغيرة مرة تقول قبل شوي جاية من التمرين وما أبي أخرب برنامج الدايت حقي وماآكل بين الوجبات غالبا ماشاء الله تبارك الله.
وبعدها رحنا وياها لمركز صغير (مركز وافي) ولفت نظرنا هناك شجرة عيد ميلاد كبيييرة واصلة لسقف المجمع ،وأتوقع إنه أكثر مجمع يمكن محتفل بالكريسماس لأن كله زينات وشغلات تحس إنه جو احتفال حقيقي ومشينا فيه شوي وطلعنا ورجعنا لبرجمان وتغدينا وطلعنا في الليل لمجمع ديرة سيتي سنتر لازم أروح له في كل مرة أسافر فيها لدبي وهناك محل يحبون يشترون منه بناتي وكان موجود عندنا هنا بالخبر وسكروه للأسف وهو هلوكاتي وهذي صور له صراحة روعة وحركاته ظريفة للبنوتات الصغار :

http://www.moq3.com/img/up10012008/fuM57122.jpg

http://www.moq3.com/img/up10012008/8sQ58328.jpg

http://www.moq3.com/img/up10012008/AoW58399.jpg


لكن الي ضايقنا لما جينا بنطلع طريقتهم إن الواحد يوقف بطابور لما يجيه التاكسي وبالدور ولما طلعنا وقفنا بطابور طويييييييل نشوف آخره وما نشوف أوله تخيلوا جلسنا مع إنهم يحاولون يمشون الناس بسرعة والتكاسي ماتوقف تقريبا توقف 5 أو 6 تكاسي وكل ماركبوا مجموعة يطلع غيرهم حوالي 45دقيقة في هذا الطابور مايسوى علينا هالانتظار الطويل.

[المتأملة]

اليوم الي بعده كنت تعبانة شوي وأحس ببعض الإرهاق مدري ليه ومع كذا تحاملت على نفسي ورحت عشان البنات لمول الإمارات لأن رحلتنا قصيرة مافيه مجال نأجلها ليوم ثاني وتغدينا فيه بتشيليز ومدري ليه أحس طعمه يختلف عن الي هنا طلبت نفس الطلب مرة ببرجمان ومرة بمول الإمارات والطعم غير ماأعجبني وأحس كأنه بارد مع إني أكلت فيه في الرحلة الي قبل هذه وكان ممتاز وهذه صور لمول الإمارات من موقعهم :

http://malloftheemirates.com/arabic/Images/Gallery/pic16.jpg

http://malloftheemirates.com/arabic/Images/Gallery/pic2.jpg

http://malloftheemirates.com/arabic/Images/Gallery/pic1.jpg


وهذه صورة صورتها أنا لحديقة صغيرة حلوة في المول قريبة من المواقف :

http://www.moq3.com/img/up10012008/qmQ12050.jpg

طبعا مول الإمارات مشهور بالمدينة الثلجية (سكي دبي) وكانت بنتي الصغيرة تبي تلعب فيها بس ماخليتها أخاف تمرض علي
وهذه صور له من موقع المول نفسه:

http://malloftheemirates.com/arabic/Images/Gallery/pic11.jpg

http://malloftheemirates.com/arabic/Images/Gallery/pic9.jpg

http://malloftheemirates.com/arabic/Images/Gallery/pic8.jpg

[المتأملة]

[SIZE="4"][COLOR="Purple"]بعد ماتغدينا في مول الإمارات رحنا للألعاب حقت المول ولعبوا فيها بناتي ورجعنا بعدها للفندق لأني حسيت إني تعبت أكثر ولما ريحنا قالت لي بنتي الكبيرة إنها تحس بالصداع وكنت أبيها تنزل معاي شوي لبرجمان بس قالت لي إنها تحس بالتعب فجلست وياها وجاب زوجي العشاء للفندق وبعدها رحت أرتب الأغراض والشنط لأننا كنا بنسافر اليوم الي بعده لأن زوجي كان حاجز حجزين حجز الأثنين بالليل وحجز ثاني الثلاثاء الصباح وفضلت الأثنين عشان مايحسب علينا يوم ماراح نستفيد منه زين واليوم الثاني ماراح نقدر نطلع الصباح لمكان بنمشي سيده للمطار وغير كذا كان عند زوجي دوام فراح يكون الوضع متعب شوي.
اليوم الي بعده بعد الفطور لمينا الأغراض وسوى زوجي الشيك أوت على الظهر وبالنسبة للسعر ماني متأكدة تماما من باب الأمانة بس أظن أخذنا السويت بحوالي 800درهم عشان بطاقة عضوية الفندق يراعون فيها بالسعر بشكل حلو .

وبالنسبة لصورة الكاميرا الي استخدمتها لو حاب أحد يعرف نوعها فهي هذه:

http://www.digimarket.sk/fotoaparat/images/ci65v.jpg


وهذه صورة للكاميرا عن قرب:
http://www.lydogbilde.no/getfile.php/303512.919.cyawastuuv/S104_Canon_65.jpg

[المتأملة]

هالصور لما جيت بنزلها لأول مرة تصير مشكلة أثناء تنزيلها مرة بموقع التحميل ومرة بالصور ومرة بجهازي وأحيانا يتسكر وأنا أشتغل عليها ،واسمحوا لي مافيه إلا عدة صور تمشي الحال وإن شاء الله تكون واضحة.

صورة للمطبخ أول ماندخل للسويت :

http://www.moq3.com/img/17012008/XFG66864.jpg



هذه صورة للصالة :

http://www.moq3.com/img/17012008/vT666784.jpg

ومن زاوية أخرى :

http://www.moq3.com/img/17012008/Hmg66756.jpg

[المتأملة]

[SIZE="4"]هذه صورة لغرفة النوم :



http://www.moq3.com/img/17012008/XCV68013.jpg


ومن زاوية أخرى :



http://www.moq3.com/img/17012008/mry67713.jpg


الحمام أعزكم الله:
http://www.moq3.com/img/17012008/yDW67769.jpg

[الباخص]

ماشاء الله ام عبدالله والابداع قرينين
متابعين لك وقد تابعنا من قبل في موضوعك عن بلدة نعزها ونغليها وهي اشيقر اذن فالابداع حليفك انما حللت . فجزاك الله عنا خير الجزاء ونتريا الباقي لاعدمناك

اخوك ابوعبدالرحمن

[المتأملة]

بعد ماسوينا الشيك أوت نزلنا أغراضنا وكان ينتظرنا سواق صديق زوجي لأننا بنترك الشنط بالسيارة مو معقولة بنحطها بتاكسي لأننا ماراح نرجع للفندق ،ورحنا لحديقة الخور ودخلنا مدينة الطفل وكانوا مسوين عرض 2 كبار و2 صغار 40 درهم وتمشوا البنات فيها ودخلوا بين أغلب الأقسام ،وبعدها على الساعة 5ونص طلعنا ورحنا المطار وكانت رحلتنا الساعة 8 ووصلنا مبكرين ورحنا نتمشى شوي في السوق الحرة واشترينا لنا شوكولاته وجلسنا شوي .وبعد صلاة المغرب دخلنا لانتظار الطيارة ولفت نظري هناك بنت صغيرة جلست قدامي في الانتظار يعني على أكبر تقدير تكون بالثانوي ولحالها وأتلفت يمين وشمال أبي أشوف معاها أحد وماشفت معاها أي شخص ثاني وعباية بلاغطاء وحاطة مكياج وطول الوقت كلام بالجوال غريبة كيف بنت بهالعمر تسافر لحالها ؟؟؟؟؟؟؟مايخافون أهلها عليها أو يعتبرون هذا تطور وتقدم لاحول ولاقوة إلا بالله مايدري الواحد وش يقول بس أحس بالأسى لما أشوف مناظر مثل كذا الله يهدي أهلهم ويصلحهم.
وبعدها نادوا على الطيارة وأقلعت الساعة 8 بتوقيت الإمارات ووصلت الساعة 8 بتوقيت السعودية لأن الفرق بيننا وبينهم ساعة وعدنا إلى ديارنا ولله الحمد والمنة بعد رحلة قصيرة في دبي الحلوة .
وكان في تخطيطي إني أزور القرية العالمية ومول ابن بطوطة لكن الظروف ماسمحت والبنات كانوا بيزورون عالم مدهش وسألنا أم شيخة وقالت مايفتح إلا بالصيف وبإذن الله نزورها في زيارات قادمة إن شاء الله .

انتهت رحلتنا القصيرة لدبي وكلي أمل أنها حازت على رضاكم واستمتعتم بها واعذرونا على القصور الله يبارك فيكم .

لما انتهيت من نسخ التقرير جاء على بالي هالطاري ابتسمت وأقول يازين نسخ التقرير عند كتابته وتنسيقه طبعا نسخ التقرير أسهل من كتابته وتنسيقه وخاصة الصور الي يبي لها تنزيل ووضع توقيع وتحميل وهذا الي يخلي بعض الناس الي مدري وش الصفة الي ممكن تطلق عليهم الي يبون شغل على الجاهز يسرقون جهود غيرهم وينسبونها لأنفسهم بمنتديات ثانية لأن هالشي صار لي بموضوع تعبت فيه كثير ولقيته ملطوش في منتديات كثيرة ولا واحد قال إني كاتبة الموضوع الأصلية تخيلوا ولا شخص يمكن اثنين قالوا منقول بس .

[المتأملة]

لما سافرت لدبي في المرات الماضية زرت بعض الأماكن ،وراح أكتبها على شكل نقاط وانطباعي الشخصي عنها لأني كل مرة أسافر بوقت مختلف فمرة سافرنا خلال أيام الدراسة لما كانوا البنات صغار ومرة وقت مهرجان دبي للتسوق لكن الأسعار غالية نفس الشي ومرة بوقت المفاجآت الثلجية وشفنا مدينة ثلجية للأطفال قريبة من المطار شكلها ثلجي لكن مافيها إلا لعبتين بالثلج وبعض المجسمات الثلجية والباقي ألعاب على شكل ثلجي مغطاة بقطن على ماأعتقد عشان يعطي الشكل الثلجي ومرة آخر الصيف لما سكنا بجراند حياة وأحسها أحلى رحلة فيهم .

زرت مجمعات تجارية، مثل :
1-برجمان :وعلى إنه حلو وفخم وراقي لكني أحسه بالنسبة لي سوق كئيب شوي وما أحب أروح له كثيرمع إني في رحلتي هذه سكنت جنبه .

2-ديرة سيتي سنتر :وعلى إنه من أقدم المولات عندهم لكني أحسه شرح وأحب في كل مرة أروح له وأتمشى فيه بس مشكلته انتظار التاكسي وإن كان الشخص رايح وقت زحمة فالله يعينه على الانتظاااااااار.

3-ابن بطوطة :حلو وهادئ وستايله حلو وغريب بس مشكلته إنه بعيد حتى أتذكر سواق التاكسي الي ودانا المرة الي فاتت، قلنا له :بنروح ابن بطوطة قال :أنتا فيه معلوم وين ابن بطوطة هذا آخر دنيا هههه .

4-مول الإمارات :وهو مول كبير وفخم وراقي وونيس ومكانه بمنطقة الجميرا وأعجبتنا سكي دبي (المدينة الثلجية )ولعبوا فيها البنات ودخل وياهم أبوهم لأني أنا مستحييييييل أدخل مكان زي كذا لأسباب شخصية وعشاني ماأتحمل البرد القوي أبد ويصدعني راسي منه أروح للثلج برجولي وهم داخلينه بمزاجهم وحابين يلعبون فيه بس ماحبيت إنهم يطولون فيه كثير عشان مايمرضون علي وإلا أنا ملبستهم شتوي ومدفيتهم بالإضافة للبس الي استأجروه من سكي دبي نفسه .

5- مركز وافي :سوق صغير ومرتب وأغلبه ماركات وأحس أغلب زواره أجانب .

6-سوق الغرير: رحت له مرة وحدة بس وضيعت فيه في رحلتي الأولى وما عاد رحت له مرة ثانية .


2- حديقة الخور: وهذي مرة حلوة وشرحة وفيها مدينة الطفل مناسبة للصغار وونيسة وينبسطون الصغار فيها لأنها لعب واكتشاف في نفس الوقت وهذه أفضل طريقة للتعليم الي يكون من خلال الترفيه لأن الطفل سبحان الله اللعب شيء مهم وأساسي في حياته ،ومرة حضرنا في الحديقة في وقت واحد من المهرجانات ،وكان فيها عروض مائية مررررة حلوة وكانوا مسوين ألعاب وشغلات حلوة للأطفال.

3-مدينة مدهش للأطفال: ومكانها عند المطار على ماأظن وأنا أشوفها مدينة ملاهي عادية بس إنها مليانة مجسمات لمدهش وشخصيات كرتونية وإلا مافيها ألعاب ذاك الزود وتناسب الأطفال الصغار الي أقل من 8 سنوات .

4-القرية العالمية: وبصراحة مررررررة حلوة وممتعة كثير لأنهم مسوينها على شكل أقسام ،وكل دولة لها قسم وفيه عروض واحنا نمشي وألعاب ومطاعم يعني فعلا قرية يبي لها يوم يادوب الواحد يشوفها كلها بس أنا تقريبا تفرجت على ربعها بس .

هذه تقريبا أهم الأماكن الرئيسية الي زرتها طبعا فيه أماكن ثانية ماأقدر أسردها كلها
فأكتفي بهذا وكلي أمل أن تكونوا استفدتم مما كتبت والسموحة منكم .

[طير الامارات]

!_!^!_!^!_!^!_!^!_!^!_!^!_!^


وفقت اختي الكريمة ام عبدالله


سرد جميل

صور واضحة

ومعلومات قيمة

بارك الله فيك

^^^_!

اختكم طير الامارات

[المتأملة]

مشكور أخوي الباخص على كلامك الطيب بسم الله وأنا أنسخ وأنزل في التقرير على أجزاء مادريت إلا لقيت تعليقك وأنا أعاين أحد الأجزاء ،وقلت في نفسي من وين طلع لي أبو عبدالرحمن في الموضوع ماصبرت وترييت الباقي لما أكمل التقرير لأنه جاهز بس يبي له نسخ هههه.
شكرا لإطرائك لأشيقر وبصراحة الوشم غالية على قلوبنا وإن كنا لم نزر منها إلا أشيقر وشقراء فقط.
والتقرير قد اكتمل الآن بجميع أجزائه نرجو أن تستمتعوا بقراءته.

[المتأملة]

حياك الله أختي طير الإمارات وشرفتي موضوعي ،الله يعطيك العافية على كلامك الحلو وذوقك تسلمين ياالغالية.

[ام شيخه]

كم سعدت بلقاء اختي الغالية (( المتأملة ))

بس أتمنى .... ياليت تنعاد الزيارة مرة ثانية

ما قمنا بالواجب.... وزيارتكم بسرعه خلصت


وشيخه كل ما تتذكر بناتج ... تقول ما لعبنا اللعبة اللي تقرقط القلب ههههههههه... تقول احنا مب صغارية تلعبينا لعبة رقدنا%_! فيها ههههههههه


اقولها ما بيدخلونج اصلا هاللعبة من بيشوفون طولج ...

واي حد بيروح اب تاون .... تقولهم منو بيي من السعودية ؟؟ ههههههههههه


واصلي يالغالية

متابعين التقرير....

[راعي الشاص]

الله يوفقكم رايجين لدبي
حلو الله يخفظس من الشر
كلام زين ويازينك يادبي


شاصي قوي

[المتأملة]

Purple"]وأناأسعدأختي أم شيخة وبإذن الله تنعاد الزيارة مرة ثانية وثالثة ورابعة،وبالنسبة للواجب يترياج في موضوع اللقاء مع أعضاء الرحالة ههههه ،أما زيارتنا السريعة عاد العوض ولا القطيعة أنت عارفة الظروف.
حليلها شيخة عاد ذاك اليوم ماكان عندنا خيارات ثانية مافيه إلا اللعبة الي تقرقط وعاد بنتج ضعيفة حيل نخاف تطيح منها هههههه والباقي ألعاب صغارية حيل تجيب النوم صج ،وعشان الأخ فلامنجو يعرف شو اللعبة الي كانت تبيها شيخة بس قلبها يقرقطها هي هاللعبة الي حصلت صورتها بأحد المواقع دخت لما حصلتها كانت كله بوجهي بس لما بغيتها ماحصلتها بس كانت أكبر من هذي عاد:

http://www.ejazti.com/dubaisummer/up/thumbnailejazti2/77820952.JPG


عيل صارت أب تاون للي بيجي من السعودية قولي لشيخة يوم بنجي مرة ثانية بندور مدينة ملاهي كل ألعابها قرقطة في قرقطة تعويض عن ألعاب أب تاون هههههههه.

شو أواصل أم شيخة التقرير خلص بس الظاهر فيج رقاد وأنتي تكتبين الرد.
$%


الرجاء ترجمة الكلمات التالية ياشاصي أو شوفوا لنا مترجم عشان أقدر أرد ههههه:
رايجين=
يخفظس=[/SIZE]

[ام شيخه]

اختي المتأملة

ياليت اللعبة هذي اللي كانت

اللعبة كانت للكبار .... وصج كانت اتطيح القلب.... قصدي (( تقرقط القلب))..... وينك يا فلامنجو ؟"*

وهي على ضعفها خفت اتطيح من اللعبة....

وتراها عندي شيخه... تقول شو هالالعاب حق الصغارية ...(( اللي يقول هي في الثانوية ولا كأنها في الروضة هههههههه))...

وبعدين منو قال خلص التقرير !!...ههههههه "_!

اعذريني مب مني ... من السهر مع الاخت (( سالي)) قصدي سارة ههههههههه #$

[المتأملة]

خلاص أختي أم شيخة المرة الجاية إذا زرناكم بناخذ شيخة حق كل الألعاب الي تقرقط حتى لو حصلنا لعبة قطار الموت بنخليها تدشها ههههه ونشوف شجاعتها هي وأمها .


والي قال إن التقرير خلص هو حضرتي "_! إلا إن كان عند الآنسة سالي أو أم سالي إضافة ماعندي مانع "_!

[ساكنه في الحوش]

عز الله انه تقرير سنع اختي المتأملة
جلست مصف ساعة اقرأ فيه واعجبني الله يخليلك عيالك وابوهم
وماشاء الله ام سالي تعرفتي عليها هناك في دبي
وبعدين ودي اعرف شمعنى قرقطني
تسلمين اختي عساك الجنة

اختك

[المتأملة]

حياك أختي ساكنه في الحوش وأنتي السنعة بردك الحلو وإن شاء الله إن تقريري أعجبك وشكرا على دعوتك ،أما أم شيخة وسالي فكنت أكلمها كثير قبل ماأتعرف عليها في دبي وهي ماشاء الله نعم الأخت والصديقة .
أما بالنسبة ليقرقطني فتعلمك أم شيخة عنها لأنها تخصصها هههههه

[هموسة]

اختى المتأملة

مشاء الله عليكِ

تقرير رائع #$

يعطيك الف عافيه #@

دمتى بود

هموسة

[زياد2010]

الله يعطيك العافية تقرير رائع وممتاز

وأنا أكثر ما يعجبني في التقارير التركيز ع الأسعار

فعلى كلامك الأسعار ارتفعت الضعف عن ذي قبل

حقيقة وصف رائع وشرح جميل لجميع الفنادق التي سكنتيها

وعرض للأسعار وصراحة جميلة

تسلمين أختنا أم عبدالله ع التقرير

تقبلي التحايا

[القطري]

المتاملة
تنيت في قراءة موضوعج نصف ساعة وقد نال اعجابي
من سردك الطيب وتصويرك اختي
موضوع يدعو كل من يقرأه ان يتأمل ويتمعن
تقرير مميز وان شاء الله عقبال ماتكتبين عن دولتي قطر قريب


اخوك القطري

[Flamingoo]

في البدايه اهني هذه البوابه والقائمين عليها بهذا التقرير المفصل الرائع

المتأمله دائما متألقه ماشاء الله عليها

تحياتي لك وانا من المتابعين لمواضيعك المتميزه




اللعبة كانت للكبار .... وصج كانت اتطيح القلب.... قصدي (( تقرقط القلب))..... وينك يا فلامنجو ؟"*

وهي على ضعفها خفت اتطيح من اللعبة....




اني اشم رائحة حش منو جاب طاريي عندكم هنا

انت يا ام سالي شنو تبين!!!!

غريييييييييييييييبه ماتعرفين معناة يقرقططني

انصحك بمعجم الصحاح للغه الصينيه يمن تلقين معناتها

خخخخخخخخخخخخخخخخخ


عز الله انه تقرير سنع اختي المتأملة
جلست مصف ساعة اقرأ فيه واعجبني الله يخليلك عيالك وابوهم
وماشاء الله ام سالي تعرفتي عليها هناك في دبي
وبعدين ودي اعرف شمعنى قرقطني
تسلمين اختي عساك الجنة

اختك


يا اختي ياللي ساكنه بالحوش

تبين تعرفين شنو معناة يقرقطني؟؟؟

اخذي قوطي نيدو فاضي وحطي داخله 3 احجار صغيره


وبعدها رجيه



يطلع لك صوت قرقطه

ويوم يسمعونه الصغاريه

يقوم قلبهم يقرقط من الخوف


هذي معناة يقرقطني


شرايك يا ام الشيخات

ترجمتلك معناة الكلمه

وحاضرين لأي طلسم تقوله لكم ام شيخه وماتفهمونه

تحياتي للجميع

[صقر البحرين]

الله يعطيك الف الف عاااافيه اختني المتامله
سلمت انامل يمناك تقرير وصور ولا احلى
وخصوصا صور الثلج عجبتني كثير

[سفير الوطن]

تقرير في غايه الروعه
شوقتينا لزياره دبي
بها التقرير المميز
تقبلي مروري ولكي تحياتي
اخوك المسبح

[المتأملة]

تشرفت بمرورك على تقريري أختي هموسة وأنتي أروع بردك وذوقك .

وحياك الله أخوي زياد والله يسلمك ونرجو أن يكون تقريرنا قد نال إعجابكم ،وشكرا لكلامك الطيب وهذا من ذوقك ،وصادق أخوي أهم شي الواحد يشوف الأسعار إذا هي تناسبه ولا يبحث عن بديل ثاني وفعلا الأسعار كل مالها ترتفع حتى الفنادق أم نجمة ونجمتين مانقول الممتازة صارت أسعارها غالية أكثر من قبل ماأدري على ايش؟

وتشرفت بمرورك أخوي القطري ماشاء الله عليك تأملت وتمعنت في التقرير ونرجو أنك استفدت واستمتعت بما كتبنا وشكرا على إطرائك ،وأتمنى فعلا أن أزور قطر قريبا فلم يسبق لي زيارتها من قبل أبدا وسنوافيكم حينها بتقرير جميل بإذن الله.

[مسك الخزامى]

الله عليك يامعلمة الدار ومتأملتها ،،

تقرير في منتهى الروعة والإبداع ..

هنيئا لدارنا بعضوة نشيطة مثلك ..

دمتي في حفظ الرحمن ،،

وبانتظار المزيد من الإبداع والتألق ..

لك مني كل الود ..

أختك مسك الخزامى،،

[المتأملة]

[SIZE="4"]
حياك الله في موضوعي أخوي فلامنجو وجزاك الله خير وأخجلتم تواضعنا بارك الله فيكم .

اني اشم رائحة حش منو جاب طاريي عندكم هنا

[COLOR="Purple"]الرابط القرقوطي هههههههه.

يا اختي ياللي ساكنه بالحوش

تبين تعرفين شنو معناة يقرقطني؟؟؟

اخذي قوطي نيدو فاضي وحطي داخله 3 احجار صغيره


وبعدها رجيه


يطلع لك صوت قرقطه

ويوم يسمعونه الصغاريه

يقوم قلبهم يقرقط من الخوف

هذي معناة يقرقطني

شرايك يا ام الشيخات

ترجمتلك معناة الكلمه

وحاضرين لأي طلسم تقوله لكم ام شيخه وماتفهمونه

أضحك الله سنك أخوي فلامنجو خوش وصف وتقريب للمعنى عز الله فهمت أختنا ساكنة في الحوش ،استوى كلامج ياأم شيخة طلاسم شرات ........ "_!"_! حصلتي لج خوش مترجم هنا.


ومشكور أخوي صقر البحرين وجزاك الله خير على كلامك الرائع وماقصرت ،وفعلا سكي دبي روعة كثير.
وحياك أخوي المسبح وإن شاء الله تزور دبي قريب وشكرا لإطرائك.

[المتأملة]

تسلمين أختي مسك الخزامى على كلامك الذوق وما عليك زود ماشاء الله تبارك الله ودمتي بخير وعافية.

[لؤلؤة الساحل]

ماشاااااااااااء الله تقرير واضح ومرتب ومعلومات حلووووووووه !_!%

بااارك الله فيك اختي المتأمله وإن شاء الله تتكرر الرحله مراات كثيرره وتنبسطون اكثر ربي يسعدك!_!#

[المتأملة]

شرفتي أختي لؤلؤة الساحل في موضوعي وأنتِ أحلى بكلامك وذوقك وجزاك الله خير على دعواتك الطيبة، الله يحفظك ويبارك فيك.

[عصا الترحال]

تقرير رائع
من خبيرة ومجربة

شكرا لك وبارك الله فيك وجزاك الله خيرا
وآمل تقبل مروري
ولك مني فائق الود