أم الشيخات تسلم عليكم سلامات داتنغ

[ام شيخه]

السلام عليكم

اشحالكم ؟ شو اخباركم؟

وحشتووووووووووووووووووووووووووووووونا

أم الشيخات من أمس على شواطئ بينانغ الساحرة

في فندق شانغريلا قولدن ساندس

(الفندق مستواه عادي)

والنحاسة لاحقتني ...

كنا 4 أيام في فندق صن واي بيراميد

تخيلوا اهم ما يميز هالفندق الألعاب المائية

من سوء الحظ .. أول يوم تعبانين طبعا كنا ... واليوم الثاني نزل مطر وما خلوهم يسبحون ويلعبوون الأطفال والشباب اللي عندنا

واليوم اللي بعده كان يوم الثلاثاء ( مغلق للتنظيف والصيانه) مب قهرررررررررررررر

واليوم الرابع كانت رحلتنا لبينانغ

وألف شكر للجميع وعلى دعواتكم الطيبة ..

ولي عودة قريبة لكم

[مخاوي الونس]

الحمد لله على السلامة

والنحس بعيد عندكم باذن الله

ويمكن وكما اتوقع واهوجس واحس

ان المشكلة تكمن في شيء ثاني


ودي اقول انه هاوي متآمر مع ادارة الفندق


بس اخاف يقول ليش علمت


الله يوسع صدوركم بالعافية وترجعون سالمين مستانسين

ومع كل يوم نحتاج خبر من عندك

اخوكم اللي ما يحب يخفي شي

[اماراتية]

الحمدالله على سلامتـكــــــــــــــــم .. :obj:

توني كنت اكلمها في الفون .. اتسلم عليكم .. :BB:


واتقول بالنسبة للأمراض .. الحمدالله مافي شي والناس ماحاطين كمامات .. والأجوااء وايد اوكي :good:

[بوشاهين]

الحمدلله ع السلامه اختي

النحاسه وراكم وراكم شرات ما يلاحقني الكابوس الثلاثي :)

الله يسعدج اختي

ولا تنسين التقرير الحلو

[سفير الوطن]

الحمد الله على السلامه ام الشيخات
وان شاء الله تقضو اوقات ممتعه في اجازتكم
وتعود سالمين ومع احلى تقرير

[زياد2010]

وعليكم السلام أم الشيخات

إن شاء الله ما فيه نحاسة

فبمجرد سفركم عن الخليج الحاااااااااار

ومشاهدة الخضرة والبحر دليل سعادة إن شاء الله

ترجعين بالسلامة أم الشيخات

على فكرة كم المدة المقررة للسفر ؟

[الباخص]

ماشاء الله تبارك الله ام الشبخات وصلت بحفظ الله ورعايته
الحمدلله على السلامة
مبروكين على الاجواء الزين
ويبدو ان اللي صار هي من عيون الاماراتية اللي ماراحت وياكم
مترقبين ومتشوقين للصور والجديد مع ام الشيخات

اخوك ابوعبدالرحمن

[هموسة]

الحمد لله ع السلامة يالغاليه


تحياتي لكـ

هموسة

[ام شيخه]

شاكرة مروركم العطر

ماتقصرون ...

انسوا في شي اسمه تقرير ....خخخخخخخخخ:wink:

والله مب مخليني ارتاح الشيخات ما شاء الله عليهم...

مطلعيلي قرووووووووووووووووووووون :u:

حتى التصوير أي كلام..

مخاوي الونس

الله يسلمك ياخوي ... مؤامراتكم وصلت لماليزيا حرام عليكم خلوني ارتاح شوي..

من ركبنا الطيارة ( طيران الامارات) وانا لايعة جبدي منهم ومن خدمتهم الأرف..

ومن مطار ماليزيا حشرونا مع هالأوراق اللي نعبيها عشان زجام الخنازير خخخخخخ:sad::u:

وبعدها زحمة مب طبيعية عشان ختم الجوازات يعني يبالنا ساعتين أو أكثر عشان ايي دورنا ولكن ههههههههاي راويتهم العين الحمرا مع شوية تقردين للسيكيوريتي السيكي بعد ما عصب عليه قالي انتي وايد ذكيه ... وفتح كاونتر خاص لنا خخخخخخخخخخ

إماراتية

الله يسلمج يا أم سيف...

بالفعل مثل ما قلتي الامور طيبة ولله الحمد .. هالكمامات مانشوفها الا في المطارات الصينيين لابسينها... واتذكر شفنا عايلة كويتية لابسين بعدها قالو شكلنا غلط نحن العرب الوحيدين اللي حاطين كمامات خخخخخ

بو شاهين

الله يسلمك ياخوي...

شفت عاد كيف النحاسة.. الله ايسر أمورنا يارب..

أما التقرير .. لا تحلمون به خخخخخخخخخ

سفير الوطن

الله يخليك ياخوي ما قصرت ...

وتسلم ..

زياد2010

حيا الله بوزياد...

صدقت والله بعيد عن حر الخليج ... الصراحة اليوم الجو عالبحر رهيييييييييييييب

والخضرة ترد الروح ...

والرحلة طال عمرك 12 يوم في ماليزيا .. 7 أيام في بانكوك بإذن الله..

بيني وبينك انا أسبوعين أبتعد عن بلادي اشتاقلها مووووووووووووووووووووووووووووت


الباخص

هلا بالعمدة

الله يسلمك ويسلم غاليك..

ما اقدر اقولكم ترقبونا بتقرير محترم ... الصراحة الأطفال مسويلي عائق كبير ما اروم اصور عدل..من أمسك الكاميرا قاموا يتنططون يبون يصورون وكل وحده تغار من الثانية..

هموسة

الله يسلمج يالغالية ,,,,

[الاجودية]

الحمد الله على السلامه يام شيخه لاتردون من ماليزيا لين أجيكم أنا وعيالي
علشان تكتمل شلة التنطيط الله يصلحهم ويحفظهم
:obj::obj::obj:

[الباخص]

الله الله اجل شلة التنطط اكتملت بنات ام الشيخات وبنات الاجودية
ياخوفي الشكوى تطول اعضاء الرحالة العرب
رحنا فيها
حشا قرود موب اعضاء :u:


اخوك المستحي

[حمودي الرساوي]

الحمدالله على سلامتـكــــــــــــــــم .. :obj:


ام الشيخات:good:

[ابو يوسف]

وسعي صدرك يام الشيخات واستانسي انتي والبيات .. موب لازم تقرير اذا كان فيه تنطنط..

يكفيك انك مستشارة شرق آسيا بكل جدارة.. ماشاء الله عليك

وعلى طاري الانفلونزا .. نروح ونجي لكل مكان .. ولا نشوف اللجة الا في بلادنا ..

ماجايكم الا كل خير يام شيخة ..

تحياتي

[ام شيخه]

الغالية الأجودية أم عبدالله

هاه بشريني متى بتون ماليزيا؟؟ أنا بتاريخ 8 جولاي بطلع من ماليزيا على بانكوك ...

ياليت والله نتشاوف...


حمودي الرساوي

الله يسلمك ياخوي.. وشاكرة مرورك ..


أبو يوسف.

يا هلا والله

أمورنا طيبة حتى الآن

وتسلم وما تقصر

صح لسانك لا تقرير ولا شيات بطلع عليك :u:


وباجر بإذن الله بنغادر جزيرة بينانغ الرائعة ... إلى كوالالمبور ...


يالباخص

بلا قرود ولا بطيخ
:wink:
نبا دعواتكم لنا يالسلامة ...

[هاوي الحباري]

أبو يوسف.
صح لسانك لا تقرير ولا شيات بطلع عليك :u:



ههههههههههههههههههههههههههههه

[ابو يوسف]

ههههههههههههههههههههههه

يقطع شيطانك يابو عيسى ..اول ما قريت رد ام شيخه.. قلت بسسسسسسسسسسسسس بو عيسى ماراح يمشيها

ياخي تبي تصير مثلي فقط .. هذي الترجمة الحرفية.. هههههههههه

ام شيخة.. ولو .. ما تمشي الحركات ذي علينا .. الرد يبي يكون صاعين .. وتبين تشوفين وش قدامك في كولالمبور

أخوكم .. الي ما يطلع عليه أحد..


:ang::ang:

[متوكلة على الله]

الله يونسك بالعافية يا الحبيبه

استمتعي بكل لحظه من سفرتج .....

وربي يسهل لج كل أمورج ...وتردين سالمة غانمة لديرتج ..

اللهم آمين .

[الاجودية]

أم شيخة أنشاء الله مبسوطه
وبشري عسى معك خدامه لزوم الارانب
علشان ماتردين لنا وأنتي ترددين أرنب نط جبلي خط مدري جبلي هدك
:sleep:
:laugh::laugh::laugh:
أدري هم بينطنطون وبالاخير بتطلع برأسك
وأنشاء الله بكون في كوالا 17 جولاي
و16 جولاي بكون في مطار أبوظبي
شكلي بشوفك بالمطار ودعاء وأستقبال

[طير الامارات]

أم شواخي

الحمد لله على السلامة متأخرة أدري بس شو نسوي

وين اللي بتطرش المسج أول ما توصل

بس ما عليه ما دامج مستانسة هذا اهم شئ

تحياتي وسلامي للجميع

[نبض القلم]

أسأل الله لك السلامة في الحل والترحال أختي الكريمة أم شيخه .وننتظر تقريرك .ولا تقتدين بأبو يوسف وغيره :)

[مسك الخزامى]

الحمد لله على السلامة والله يسعد الغالية ام شيخة ..
استاااانسي ياحبووبة واستمتعي بوقتج ولازم طبعا التقرير حتى لو كانت
الصور غير واضحة مالنا غناة عن تقارير أم شيخة المميزة .
كل الود

[هاوي الحباري]

نحمد الله أن الأمن لا يزال مستتبا

وأن الزعيمة مازالت خارج الحدود

مرور للاطمئنان على أوضاع الشعب العربي
:oh:


أم الجميع ووالدتنا المصون
أم شيخة

تمنياتي الخالصة من كل قلبي
أن تستمتعوا برحلتكم المباركة

وأن يديم الله عليكم فضله

وأتمنى أن تستقروا هناك
:u:

يعني يرتاح ابو شاهين شوي على الأقل ما يفزفز من الكوابيس التي لا تفارقه

أخوك
المتواضع
الكبير في قدره
الصغير في عمره
العظيم في فضله
الملك على مملكة التآخي

الرائع
نايف

[golden lens]

تستاهلين السلام ام الشيخات

وربي يسعدكم في الاجازة كلها..

[jawwal13]

الله يسعدكم ويوفقكم ..
وترجعون بالسلامة ..

[ام شيخه]

الله يسلمكم جميعا ما تقصرون

وألف شكر للجميع ولكل من سأل عني

واللي ما سأل عني بعد نقوله الله يحفظه:wink: