خبز الرقاق

[ام شيخه]

السلام عليكم



خبز الرقاق

هو خبز رقيق يحضر بواسطة التاوة وهي صفيحة من الحديد

السميك دائرية الشكل تقريبا حيث تقوم المرأة بمسح طبقة رقيقة من العجين

فوقها بعد ان تحمى جيدا كما تقوم بين فترة وأخرى بمسح التاوة بطبقة خفيفة

من الشحم لكي لا تلتصق بها العجينة


والحين اسمعوا بما انه هالفترة فترة رحلات .. وكشتات

اتركو عنكم طبخات وضبان وقرصان دهران"*





بنعرضلكم طريقة عمل خبز الرقاق...


سهل وخفيف


أكله شعبية عندنا ... وفي كل المهرجانات والمعارض التراثية بتشوفونها

وعندنا في الامارات برمضان الرقاق أساسي عشان يسوون منه الثريد


المهم ما بطول خلاص


شوفو المقادير والطريقة

المقادير :
اربع اكواب من الدقيق رقم 1
او من الدقيق رقم 2
او من الدقيق الاسمر
اختياري
ماء + ملح

بس اشوف الوالدة تسوي دقيق رقم 2


::طبعاً نعجن المقادير مع بعض حتى تصبح سايلة اشوي

http://www.alrahhalah.com/up/get-1-2008-5hs7ecbt.jpg


وهاي تاوة الرقاق... لا تقولون شو يعني بعد تاوة!!!"$@$

انتو ما اعرف شو تقولون للتاوة !!!

http://www.alrahhalah.com/up/get-1-2008-bqcm49hx.jpg



ناخذ طشونه (( ادري ما تعرفون شو طشونه))... شو يعني طشونه يا بو عبدالرحمن؟!!! يعني اشويه من العجين وانحط فوق التاوه

http://www.alrahhalah.com/up/get-1-2008-znxxiykh.jpg



ونفردها عالتاوة... طبعا طريقة الفرد يبالها شطارة شوي... مثلا الوالدة بايدها تفردها... طبعا لو انا مستحيل اسويها اخاف ايدي تحترق$%

http://www.alrahhalah.com/up/get-1-2008-f00puc3j.jpg



والتاوة لازم تكون لابقة ... شو يعني لابقه يا فلامنجو؟؟!! يعني حاااااااااااااااااااارة....

http://www.alrahhalah.com/up/get-1-2008-el1ta2lf.jpg


وممكن تعملونها بعدة اصناف

بالجبن والبيض والسمن احلى شي!!%

http://www.alrahhalah.com/up/get-1-2008-uk13p23j.bmp


http://www.alrahhalah.com/up/get-1-2008-4iv8rc5e.jpg


http://www.alrahhalah.com/up/get-1-2008-mjqohxoc.jpg


http://www.alrahhalah.com/up/get-1-2008-vv3dsrpa.jpg


حمروها زياده .. احلى

http://www.alrahhalah.com/up/get-1-2008-yk2cxd79.jpg

http://www.alrahhalah.com/up/get-1-2008-ioe8qhrv.jpg


وحلات هالخبز مع شاي كرك هندي :*"^







بس تعبت من كثر ما ادورلكم صور من كذا منتدى

واي سؤال حاضرين... أختي طير الامارات ما بتقصر $% #$

[بسمة أمل]

طشونه هذي غريبه
كنه لعبة طش واحد طش
اما تاوه فاهمينها
اجل تخافين تحرق يدك
افرديها بملعقه$^
بالعافيه ها القرصان
مطرح مايسري يمري

[الباخص]

كفو والله بداية مدوخة لدهران
ماباقي الا خبز الخمير مع هالبرد

شكراً مراقبتنا الفاضلة على هالزين بس ياليتنا نقدر نذوقه لاجل نحكم عليه #*$#
روعه بروعة اكل اهل الامارات في الشتاء خاصة .. #!
نبي الخمير بليز

اخوك ابوعبدالرحمن

[ام شيخه]

بسمة أمل

حياج يالغالية...

تعالي الامارات انتي بس

وشوفي شو بنذوقج


الباخص

يا مرحبا بك

انا حطيت هالموضوع من بعد ما شفت اكلكم في الرحلات

فقلت برحمكم وبنحطلكم اكلات سهله وخفيفه

وبطرشلك رقاق وخمير بال dhl#$


ما شاء الله عليك تعرف الخمير بعد؟

ولا يهمك بنحطلكم طريقة الخمير والجباب قريب ان شاء الله

[هز الرحيل]

أقول :

الأقربون أولى بالمعروووف ..

طرشي لي أول ..

:& "^ "$

ربي يحفظج ..

تسلميين يالغلاا ..

^__^

[دهران]

ام شيخه


!!!!#


وننتظر الجديد بفارغ الصبر.


وتقبلي أعذب وارق تحية.

[abo saif]

حلوه طشونه ... معلومه جميله للهجه رائعه

وصفه رائعه لاني من أشد المحبين لخبز الرقاق

يعطيك العافيه أختي أم شيخه

تحياتي

[ام شيخه]

هز الرحيل

افا عليج بس ... تآمرين امر

تسلمين عالمرور يالغالية


مراقبنا القدير

دهران

حي الله الشيف دهران.... مبروك على افتتاح مطبخ دهران

تسلم ويخليك ربي



بو سيف


هلا والله بأخونا بوسيف

عيل بنطرشلك طشونه من هالخبز....

من ضمن الطلبيات (( الأوردر)) اللي بطرشه السعودية#$

[بسمة أمل]

بسمة أمل

حياج يالغالية...

تعالي الامارات انتي بس

وشوفي شو بنذوقج


الباخص

يا مرحبا بك

انا حطيت هالموضوع من بعد ما شفت اكلكم في الرحلات

فقلت برحمكم وبنحطلكم اكلات سهله وخفيفه

وبطرشلك رقاق وخمير بال dhl#$


ما شاء الله عليك تعرف الخمير بعد؟

ولا يهمك بنحطلكم طريقة الخمير والجباب قريب ان شاء الله

ان شاء جايه
باذن الله
مو عشان الخبيزات
عشانك #$

[المتأملة]

ياسلام على هالطبخ السنع أختي أم شيخة بس حلوة حركة ترجمة كل كلمة شكلج تعقدتي ماصارت طبخة كل كلمة مع ترجمتها ههههه.
باين عليها طعمها لذيذ وذكرتني بطبخات شعبية نسويها مثل المصابيب والمراصيع عاد هذه أترجمها لج بعدين ههههههه شهيتيني بهالخبز الله يهداج لو دارية عنه كان قلت لج جيبي لنا شوي يوم كنا عندكم ،ونتريا باقي الطبخات فديتج.

[سندبـاد]

يا الله يا ام شيخة

تصدقين اني في رمضان احيانا اساعد الوالدة واقوم بعمل الخبز

وبأيدي من دون ما تحترق بس احيانا

نظيف عليه المهياوة بدل الجبن او البيض

ادري ان البعض ما يعرف وشهي المهياوة

[Flamingoo]

ياسلام على هيك اكلات ياام شواخ

طشونه اعرفها من زمان


لابقه سمعنا فيها


بس هذيك الكلمه اللي بالي بالك لازالت متصدره ارقام جينس في اغرب الكلمات العالميه"*


لاتنسين تطرشين لي ولام عبدالله طشونتين :* رقاق


الله يعطيك العافيه ويسلم لك الوالده

تحياتي

[مسك الخزامى]

###&


ام شيخة ..

الله يعطيك العافيةعلى الطريقة الرائعة والسهلة ..

ربي يسعدك وييسر لك أمرك ..

مبدعه وربي..

لك مني كل الود ..

وبانتظار المزيد من الأطباق الشهية..

أختك مسك الخزامى،،

[ام شيخه]

حي الغالية المعلمة (( المتأملة))

ياختي عقدوني لازم اترجم هههههه

تعالي حبيبتي بنذوقج احلى الاكلات الاماراتية

وياليت طريقة المصابيب والمراصيع والمهابيب #$




اخي العزيز

سندباد

تسلم عالمرور... في الامارات بعد يحطون المهياوة مع الجبن والبيض (( يعني مكس))

يالله خبرهم شو المهياوة...!!!


فلامنجو

الحمدلله انك تعرف طشونه ولابقة#!.... ولا ما بنسلم منك ههههه#%


عيل من ضمن الطلبية لك ياخوي ولأم عبدالله ... الله يخليها ان شاء الله


مسك الخزامى

حي الغالية ...

شاكرة مرورج الرائع وكلامج الطيب حبيبتي

ونحن بعد في انتظار ابداعاتج عزيزتي#$

[عصا الترحال]

مشكورة يا أم شيخة على خبز الرقاق
بارك الله فيك