الماركات المُقلده درجه اولى

[ام ساره]

http://www.alrahhalah.com/vb/mwaextraedit4/extra/110.gif

شلونكم يااعضاء الرحاله ،،
انا مسافره ان شالله 9/7 بانكوك ولمده اسبوع
بغيت ولا عليكم امر خبره اهل الخبره في المحلات الموثوق فيها للتقليد من الدرجه الاولى

انا جمعت بعض المعلومات ،، ومره شفت موضوع لواحد الله يجزاه خير من اصحاب الخبرات
حاط احسن مكان للساعات
احسن مكان للشنط
احسن مكان للعود
يعني بتاع كله تبارك الله بس للاسف ماسويت له حفظ :(
فايليت اللي يعرف يدلني ،،
غير سوق العرب << كله نصب هذا اللي فهمته

عساكم ع القوه

[سندبـاد]

اختي الكريمة ام ساره

من واقع خبرة فإن منطقة العرب يوجد بها كل ما تريدين

وهناك محلات معروفة منها مدام اوم لبيع الساعات والشنط وكذلك فريدة علي ومحل جاكي للساعات

وهناك محل بالقرب منهم لبيع دهن العود والعود مؤسسة المري التجارية

وانتظري مرور خبراء تايلند للمزيد من الافادة

[ام ساره]

سندباد ،
عساك سالم يارب
سجلت اللي قلته ،
واتمنى اصحاب الخبره يفيدوني
لاهنت

[دانة البحرين]

خبري في فريدة علي في شارع العرب

[طير الامارات]

مرحبا أختي أم سارة
عندج فريدة علي بس في الصيف أسعارها أغلى شوي
ومحل جاكي
ومحل أوم
فيه ماركات تايلندية أصلية حلوة وأسعارها مناسبة في طوكيو سنتر
ومرات أصحاب التكاسي يسألونج إذا تبغين شنط Copy على قولتهم
ويكون صاحب التاكسي يتعامل مع محلات أو أصحاب تجارة الشنط المقلدة
وتكون أحلى وأرخص من منطقة العرب

[ام ساره]

دانه ،،
يعطيج العافيه الشيخه
بس هالفريده ماادري ماحبيتها من كثر ماقريت عن نصبهاا
:)
واللي عرفته ان شارع العرب اغلى بكثير لانهم يستغلون السواح الخليجين خاصه

[ام ساره]

طير ،
هلا وغلا الشيخه ،
مثل ماقلتي المجمعات ارخص من المتعارف عليه في شارع العرب
ولان معاي عيالي اخاف اوديهم اي مكان
عشان كذيه ابي اماكن اكون ضامنه اوصلها واخذ اللي ابيه ع طول
يعطيج العافيه الشيخه

[صقر البحرين]

mbk مليان ساعات على كيف كيفك بس حاسبي كاسريهم في الاسعار


بس بصراحه احسنهم واكشخهم فريدة علي وعندها اخر الموديلات بس عيبها تبيع غالي..بس اهم شي جوفيهم زين

ترى اذا طلعني من المحل واختربت ماراح يرجعونها لج ..يعني شيكيها عدل قبل لاتدفعين الفلوس

تري ربعي انغشو في بعضهم ...والاقلام الماركات تلاقينم في منطقة العرب في البسطات اللي على الشارع

قرب فندق قريس خذيتهم على 200 بات مونت بلانك عند فريدة وجاكي ب500 بات ترى في اشياء تلاقينهم برع رخيصة

ومنطقة العرب غالية بعض الشي

[ام شيخه]

الصراحة انا ابدا ما عيبتني شنط فريدة ولا باقي شلتها في منطقة العرب...

يمكن لأني ما احب التقليد...

وانا يضحكوني يوم يقولون درجة أولى ورقم واحد والناس مب فاهمة ولا عارفة الشنطة الاصلية كيف ...؟؟

اتذكر شفت شنطة شانيل وايد عايبتني ...

قالولي رقم 1

وسعرها طبعا المقلدة الكوبي على قولتهم رقم 1 على 1200 درهم

وكانو بنات اشكثر في المحل ومتخبلين اسمعهم يقولون رقم 1 وتستاهل

من فتحت الشنطة عرفت انها مب رقم 1

قالولي كيف

قلت اصلا هالكوليكشن من شانيل من داخل وخارج الشنطة لون أسود..

أصلا يوم نزل اللون الاحمر من داخل الشنطة كوليكشن وموديل ثاني....

يعني اذا بتشترين شنطة مقلدة لازم تعرفين الشنط الاصلية هي كيف...



وانا اشوف اللي في مركز الام بي كي احلى وأجود شنطهم من شارع العرب

واذا تبين تروحين منطقة العرب انصحج روحي قبل المغرب افضل واريح

[ام ساره]

صقر ،
يعطيك العافيه
انا والله قلت لكم فريده كلش مارتحت لها من كثر ماقريت عنهاا
اما الساعات انا من كثر لفلفتي في المواقع شفت الاغلب متفق على
مجمع رويال قاردن في بتايا عند واحد اسمه بوله
ساعاته حلوه وضمان
الله يعيني ان شالله
ويعطيك الف عافيه الشيخ

[ام ساره]

ام شيخه ،،
انتي معاي يعني؟ فريده نصابه :)
فعلا السالفه تبي لها خبره ودرايه بالاساليب التجاريه << يعني ماهوب حولنا
الشنط الاغلب اتفق ان البات بونق عنده الشنط الحلوه
والمجمعات مثل ماذكرتي

باقي اعرف وين العود ودهن العود الاصلي؟

[طير الامارات]

العود ودهن العود بتلقينهم في منطقة العرب
المحلات الخاصة بالعطورات كلها في المنطقة هذي
بس أنا تعاملت مع واحد اسم محله العبير
هذا كان يشتغل عند القرشي في جده بس حاليا عنده محل لوحده في تايلاند
أسعاره أرخص من غيره لما قارنتها مع المحلات اللي في نفس المنطقة
وعلى فكرة يبيع بعد أكواب وفناجين القهوة تشكيلاته حلوة

[المستكشف]

الرابط هذا يمكن يفيدك http://erap.jeeran.com/plog/archive/2009/4/854232.html

والله يحفظك

[ام عهد]

السلالالالالام عليكم

اختى نصيحة لا تاخذين ساعه الا انتى متاكدة انها شغاله ميه بالمية
انا شريت من محل جاكى 9 ساعات 3 منهم خربانه وحدة منهم تشتغل ربع ساعه وتوقف ما خليت محل ما وديتها غيرت االبطاريه كم مره ومافى فايدة وهى ماركة شوبارد
الثانيه من رولكس مشكلتها ما تتقفل تمام والثالثه رجاليه من شوبارد العقارب فيها مشكله غير قابله للتعديل اتمنى انك تلاقين شي زين وما تنغشين .

[ام ساره]

طير الامارات
يعلج سالمه يااااارب
شدراج ان اختي موصيتني على الفناييل :)
لاعدمناج

[ام ساره]

المستكشف ،،

عساك سالم يالشيخ
ايه والله الرابط كفى و وفى لاهنت
وبيض الله ويهك :)
تسلم اخوي احس اختصرت علي اشياء وايد

[ام ساره]

ام عهد ،،،
فعلا هذا اللي صار مع اخوي
شراله كم ساعه طلع بعظهم خربان
والله شكلي يبيلي عيون من كل صوب هنااااك
الله يعيني وانا مع عيالي << خايفه عليهم

[مشرفكم]

كل الكشكات اللي بشارع العرب يبيعون شنط مقلده وساعات لكن اللي يعرضوه درجه ثانيه لما تطلب منهم درجه اولى يطلعوها من تحت لانها ممنوعه وبيكونوا ارخص من فريده وغيرها
اما العود فيه محل مسلم اسمه احمد اسم المحل حفصه على اخته في منطقة العرب قريب مطاعم اليمنيه

نصيحه /// لا تشترون من اول مره وكاااااااااااااااااااااااااسروا اذا قالوا 3000 بات قول 500 بات ولا تستحي