نيوزلاندا او كندا محتاج ارشاداتكم وبسرعه لان الوقت قرب ان شاء الله

[فتى بني زيد]

السلام عليكم ورحمة الله وبركاته

ان شاء الله ناوي ادرس اللغه لمده شهرين فقط << على قولتهم لفك الشفره
والوقت قرب ابيها تقريبا في 11_7_1431

بس محتاااااار بين كندا او نيو زلاندا

بصراحه ابي اجاباتكم تفيدني من الناحيه التاليه
اولا : الافضل من ناحية تعليم اللغه ؟
2- من ناحية غلاء المعيشه ؟ وكم قد يكون متوسط التكلفه ؟
3- من ناحية تعامل الشعب ؟وطيبته؟
4- الامان؟
5- السياحه والتمشيه؟
--------------

((يا اخوان لو كانت كندا افضل ابي اقدم اوراقي الاربعاء هذا ان شاء الله بعد يومين كم تأخذ الاجراءات لاستخراج الفيزا))؟؟
وبرائيكم لو اردت تمديد فترة الدراسه هناك هل تتعقد الفيزه ام لا؟ << كندا

وهل مدة شهرين كافيه لفك الشفره لاني مييييييييح بالانقلش

[أم سويرة]

هلا بك ياخوي

أنا كنت قارية عن تجربة عدة طلاب

في دراسة اللغة في هالدولتين

اللي درس في فانكوفر الكندية

يقول كان فيه طلاب عرب وايد يدرسون اهناك

ووياه في الدورة بعد

وهالشي خلاه مايركز في استخدام اللغة الإنغليزيه

في المحادثة ..




أما اللي خذ دوره في نيوزيلاندا فكان

رايه انها احسن تجربة دراسية استفاد منها

يقول الطلاب اللي وياه مافيهم عرب

وهالشي خلاه غصبا عنه يستخدم الانغليزيه على طول

في كل محادثاته

والنتيجة تعلم أسرع بكثير ..




بالنسبة للسياحة والتمشية فهالشي بيعتمد

على المدينة اللي انت بتدرس فيها

قووللنا شنهي خيارات المدن

اللي عندك في كندا ونيوزيلاندا

وان شاء الله نفيدك


..

أما الأمان والشعب

معروف عن شعب هالدولتين انهم طيبين

وفيه أمان

وأتوقع نيوزيلاندا فيها أمان أكثر


معلومة مهمة

(( لا تنسى ترى في الصيف بيكون الجو شتا في نيوزيلاندا

وإذا بتسكن في مدينة في الجزيرة الجنوبية فأبشر بالثلووج والصقيع ))

كندا جوها في الصيف صيفي عادي ..


جوف أي جو بيلائمك وبتحبه ..



..


الله يوفقك ولا تنسى تستخير

وترى الدولتين من أحلى دول العالم

ان شاء الله تستانس و تروح وترجع بالسلامة ..

[فتى بني زيد]

الله يعطيك العافيه يا ام ساره ماقصرتي وجزاك الله خير

طيب وش تفضلين اي مدينه في نيوزلاندا؟؟؟؟؟؟؟؟؟ من باب الخبره
وجزاك الله خيرا مره اخرى

[فتى بني زيد]

وما رأيك في مدينة كوتشن على ما اعتقد في نيوزلاندا
وهل هي اختيار جيد بالنسبه للوقت اللي بسافر فيه؟

[أم سويرة]

الله يعطيك العافيه يا ام ساره ماقصرتي وجزاك الله خير

طيب وش تفضلين اي مدينه في نيوزلاندا؟؟؟؟؟؟؟؟؟ من باب الخبره
وجزاك الله خيرا مره اخرى


الله يعافيك ويسعدك

عندي وحدة من أهلي تدرس في الجامعة إهناك

باحاول آحصل رقمها وآسألها يمكن تفيدني بشي

وبارد عليك إن شاء الله ..

[أم سويرة]

وما رأيك في مدينة كوتشن على ما اعتقد في نيوزلاندا
وهل هي اختيار جيد بالنسبه للوقت اللي بسافر فيه؟


آعرف كوتشين الهندية

بس مادري إذا نيوزلندا فيها مدينة بهالإسم

بس باطقطق لك في القوقل وباجوف إن شاء الله ..

[أم سويرة]

لقيت لك هالموقع ويمدحون خدماته

وبتلقى فيه ارقام اتصال مباشرة

وكل المعلومات اللي تحتاجها

http://www.moeen.co.nz/Home.htm


..

إذا بتقدم طلب دراسة لغة استعجل لأن في هالفترة

تكون ذروة تقديم الطلبات

ولازم تحجز لك مكان في معهد زين بسرعة ..




تحياتي العطرة ..

[هاوي الحباري]

ماشاء الله تبارك الرحمن

ما عندي إضافة على ما تفضلت به الأخت الكريمة أم سارة
وكل ما كنت أريد قوله سيكون مكررا


غير أني أحب التأكيد على

تمنياتي لك أخي العزيز بالتوفيق والسداد وعسى ربي يسخر لك ويتمم عليك ياحي ياقيوم



ودمت موفقا يااااااااارب

[فتى بني زيد]

الله يعطيك العافيه يام ساره ويرزقك بر ابنائك وبناتك
بالنسبته للمدينه انا اخطيت ونزلت كوتشي وانا اقصد
كرايست شيرش

[أم سويرة]

الله يعافيك ويوفقك إن شاء الله

و كريست تشيرش بتحصل فيها سعوديين وايد

لا تنسى تصور لنا المكان

القمم الثلجية في جبال الألب الجنوبية

البردي والأمطار

ياسلااااااااام

وننتظر منك تقرير ممتع عن تجربتك

في هالقطعة الساحرة من الكرة الأرضية

بعد ماترجع بالسلامة ..


تحياتي العطرة ..

[فتى بني زيد]

ام سويره ابشري ان شاء الله اول مااوصل بنزل صوره هنا عشان ردك الطيب وتفاعلك وتجاوبك

وبما انك لك خبره بنيوزلاندا
فما رأيك بهذا المعهد

http://www.ccel.co.nz/ (http://www.ccel.co.nz/)

[أم سويرة]

بشروك بالجنة ياخوي


أرسلت لك رسالة على الخاص فيها تفاصيل بتفيدك ..

[فتى بني زيد]

الله يعطيك العافيه وردك وافي وشافي
وبارك الله فيك